Мемлекет басшысының тапсырмасымен іске асқан «Халық үніне құлақ асатын үкімет» қағидасын барлық деңгейдегі әкімдердің ауыл тұрғындары алдында атқарылған жұмыстары жайында есеп беруінен білуге болады. 2 наурыз күні «Билік пен Бұқара» басын құраған елеулі жиын Сортөбе ауылдық округінде өтті. Аудан әкімінің орынбасары Жұлдызбек Бақаев 2021 жылы ауданның әлеуметтік-экономикалық дамуы туралы есеп берсе, округ әкімі ауылда атқарылған жұмыстар жайын жіпке тізді. Әрине, ағымдағы жылға жоспарлар да айтылды.
Алдымен баяндама жасаған ауыл әкімі Рустам Фушанло округте негізгі бағыт болып іске асырылатын ауыл шарушылығы, медицина мен білім саласынан өзге қайырымдылық жайына да тоқталды. «Жомарт түлек» жобасы аясында ауылдан шыққан азаматтар жерлестеріне көптеген көмек көрсетіп, ел ризашылығына бөленіп жүрген жайы бар. Сонымен қатар, мүмкіндігі шектеулі жандар да назардан тыс қалмаған.
Әкім есебінен белгілі болғандай қазіргі таңда сортөбеліктер қазақ тілін үйренуге мықтап кіріскен. Осыған байланысты ауылда қазақ тілін оқыту орталығының филиалы жұмыс істейді, сонымен бірге мектептерде қазақ тілін үйрету курстары бар. Тілді оқыту бойынша кадр тапшылығы жоқ.
Ауыл басшысы проблемалық мәселелер жайында қозғады. Олар негізінен тұрғын үй салуға жер бөлу, өрт сөндіру қызметінің қажеттілігі және суармалы судың аздығы сортөбеліктер үшін жылда туындап отырған проблемалар. Бұл қажеттіліктерді шешу жолдары да қарастырылуда екен.
Келесі кезекте сөз алған аудан әкімінің орынбасары Жұлдызбек Бақаев өткен жылы ауданның экономикалық даму көрсеткіші 11,3 пайызды құрап, құрғақшылыққа қарамастан аудан шаруалары жақсы өнімге қол жеткізгенін айтты. 66480 гектер егістіктен 78374 тонна өнім алыныпты. Орташа түсім әр гектердан 12,1 центнерді құраған.
Ж.Бақаев қазіргі таңда азаматтарды тұрғын үймен қамтамасыз ету бірінші кезекте тұрған мәселе екенен алға тарта келе, былтырғы жылы Сортөбеде екі пәтерлі 10 тұрғын үй қолданысқа берілгенін, перзентханаға күрелі жөндеу жұмыстары жүргізілгенін жеткізді.
@damira_maratovna
@korday_mayak
