Экономика тірегі саналатын ауыл шаруашылығы саласына да ерекше екпін түсірілуде. Айталық, мұнда жалпы құны 58867,3 млн. теңгенің өнімі өндіріліп, нақты көлем индексі 108% құраған. Өткен жылы бұл 50151,4 млн. теңгенің шамасында болғанын айта кеткен жөн. Соған сәйкес бөлшек сауда тауар айналымы 10735,0 млн. теңгеге жетіп, нақты көлем индексі 103,7 % құраған. Ал көтерме сауда айналымының көлемі 4456,1 млн. теңге, нақты көлем индексі 73,8 пайызға орындалып отыр.
Бүгінгі күні өңірде жалпы саны 40 тауарлар мен қызметтерді өндіруші кәсіпорындар тіркелген. Алайда қазіргі таңда тек 8 компания ғана жұмыс істеуде. 3 кәсіпорын қаражаттың тапшылығына байланысты жұмысын мүлдем тоқтатса, қалған 29-ы өз еріктерімен goszakup.gov.kz порталы арқылы тендрлік конкурстарға қатысып, жобалардың құнына бағалары сай келмей ұту мүмкіндіктері шектеулі. Осыған орай, Шу ауданында көтерме сауда көрсеткіші орындалмауы да болжамдануда.
