Коронавирус жұқтырып ауруханаға түскен Владимир Жириновский туыстарын, әріптестерін және дәрігерлерді танымай жатыр. Оның жағдайы ауыр деп бағаланды. Дәрігерлер аурудың одан әрі дамуын болжай алмай отыр, деп хабарлайды Lenta.ru.
9 ақпан күні саясаткер пневмониямен ауруханаға жатқызылды. Өкпесі бір жағынан 30%, екінші жағынан 50% қабынғаны айтылды. Ресейлік БАҚ-тың хабарлауынша, ол жасанды тыныс алу аппаратына қосылған, бірақ Жириновскийдің қант диабетінің үдемелі ауруына байланысты емдеу қиын.
Алматыда туып-өскен ресейлік ЛДПР партиясының жетекшісі Владимир Жириновский қазақ аудиториясының есінде өзінің даулы мәлімдемелерімен қалды. Мәселен, Масанчи көшесін және өзі оқыған мектепті оның құрметіне атауды ұсынды. Оның «кіші Отан» туралы мәлімдемелері мұнымен бітпеді. 2014 жылы ол Орталық Азия елдерін тәуелсіздіктен айыруға шақырып, республикаларды Орталық Азия федералды округі деп атады.
https://kaz.orda.kz/auyr-halde-auruhana-a-t-sken-zhirinovskij-zha-yndaryn-tanymaj-aldy/
