Автомат, пулемет пен граната: Қазақстанда тәртіпсіздік кезінде ұрланған қарулар табылды
Қазақстандағы тәртіпсіздіктерден кейін ұрланған қару-жарақтың 515 данасы табылып, тәркіленді. Оның ішінде пулемет пен граната да болған, деп хабарлайды Stan.kz ақпарат агенттігі.
Бұл туралы ІІМ тергеу басқармасының бастығы Санжар Әділов мәлімдеді.
Әділовтың айтуынша, шабуылдар кезінде 7 аңшылық дүкен тоналған, оның ішінде 1564 азаматтық қару ұрланған. Қауіпсіздік күштерінен қанша қару ұрланғаны туралы мәлімет жоқ.
«Антитеррорлық операция барысында ұрланған 515 қару-жарақ табылып, тәркіленді, оның ішінде 75 автомат, 133 тапанша, 2 пулемет, 47 винтовка және 103 тегіс ұңғылы қару, 100-ден астам граната және 9 мың патрон бар.
Қару ұрлағаны үшін 98 адам ұсталып, уақытша ұстау изоляторына, ал заңсыз сақтағаны үшін 61 адам қамауға алынды», – деді Әділов.
Ол ұрланған қарудың тұрғындардың өмірі мен қауіпсіздігіне қауіп төндіретінін атап өтті, өйткені қазір оны кез келген заңсыз әрекеттерге қолдануға болады.
Сондай-ақ ол азаматтарды сабырлы болуға шақырып, жан-жақты, толық және объективті тергеу жүргізуге бағытталған тергеу жұмыстарына түсіністікпен қарауды сұрады.
