Қазақстан сенатының депутаттары Ресеймен әскери ынтымақтастық туралы келісімді ратификациялады. Енді екі ел бір-біріне қарсы барлау әрекеттерін жасамауға уәде берді.
Палатаның жалпы отырысында қорғаныс министрінің орынбасары Сұлтан Камалетдинов келісімнің мақсаты Қазақстан мен Ресей арасындағы бірнеше бағыттағы әскери ынтымақтастықты жүзеге асыру және дамыту екенін айтты. Келісімге 2020 жылдың 16 қазанында Нұр-Сұлтан қаласында қол қойылған.
Өз кезегінде Қазақстан мен Ресей арасындағы 1994 жылғы 28 наурыздағы әскери ынтымақтастық туралы қолданыстағы келісім күшін жойды.
– Келісімді іске асыру әскери саладағы стратегиялық әріптестік бағдарламасына сәйкес үш жылдық кезеңге жоспарлануда, орындау және мерзімдерін оған әскери ынтымақтастықтың мақсаттары мен міндеттері, әскери ынтымақтастық бағыттары мен олардың нысаны кіреді, – деді Камалетдинов.
Қазақстан мен Ресей Федерациясы арасындағы жаңа әскери келісім не үшін керек?
Қазақстан мен Ресей келесі мәселелер бойынша ынтымақтастыққа келісті:
- тараптардың бірінің өтініші бойынша ел қауіпсіздігін қамтамасыз ету мүддесінде әскерлерді пайдалануды бірлесіп жоспарлау;
- тараптардың бiрiнiң өтiнiшi болған жағдайда өңiрлiк қауiпсiздiкке төнетiн сын-қатерлер мен қатерлерге бiрлесiп қарсы тұру;
- жедел және жауынгерлік даярлық;
- әскери білім және ғылым;
- терроризмге қарсы тұру;
- бітімгершілік қызметі;
- әскерлердің қызметін және оларды жан-жақты қамтамасыз етуді, олардың аумақтарындағы тараптардың әскери құралымдарының қызметін қамтамасыз етуді;
- екіжақты құқықтық базаны жетілдіру;
- халықаралық ұйымдардың жұмысына тараптардың әскери делегацияларының қатысуы шеңберінде өзара іс-қимыл;
- мемлекеттік құпияларды қорғау;
- мәдениет және спорт.
Сондай-ақ, осы келісім аясында Қазақстан мен Ресей арасында үш жылға арналған әскери саладағы стратегиялық әріптестік бағдарламасы әзірленеді.
Жеке тармақта Ресей мен Қазақстанның әскери барлау саласында ынтымақтасатыны және қарсы тарапқа қарсы бағытталған барлау әрекеттерін жасамауға міндеттенетіні атап өтілген.
Сондай-ақ тараптар өз аумақтарын басқа тарапқа қарсы бағытталған қызметті жүзеге асыру мақсатында үшінші тұлғаның пайдалануына жол бермейтіні белгіленген.
Қауіпсіздікке қатер төндіретін жағдайлар туындаса, Ресей мен Қазақстан бір-біріне көмек көрсетеді. Соның ішінде әскери көмек. Сондай-ақ, бірлескен штабтық келіссөздер мен консультациялар, оқу-жаттығулар, сондай-ақ конференциялар мен семинарлар, әскери қызметкерлерді оқыту жоспарланған.
Парламент қабылдаған заң Қазақстан президентіне қол қоюға жіберілді.
https://kaz.orda.kz/aza-stan-resejmen-zha-a-skeri-kelisimge-ol-ojma/
