Астанада ХҚКО-да құжаттарды ресімдеуге және беруге арналған жаңа терминал ашылып, пилоттық режимде жұмысын бастады деп хабарлайды Stan.kz ақпарат агенттігі.
Жобаны ІІМ цифрлық даму, инновациялар және аэроғарыш өнеркәсібі министрлігімен бірлесіп әзірледі.
Терминал толығымен автоматтандырылған. Инновациялық жоба ішкі істер министрі Марат Ахметжанов пен цифрлық даму, инновациялар және аэроғарыш өнеркәсібі министрі Бағдат Мусинге ұсынылды.
Енді қазақстандықтар құжаттарды өз бетінше және ең бастысы тез алуға өтінім бере алады.
«Құжаттау терминалы» бәрін бір жерде жасауға мүмкіндік береді, сонымен қатар адам құжат үшін сәтті фотосуретті өз бетінше таңдай алады.
Процесс 10 минуттан аспайды.
«Алайда қателіктер мен түсініспеушіліктерді болдырмау үшін өтініш берушіге көші-қон қызметінің қызметкеріне жүгіну қажет болады. Ол өтініштің, фотосуреттің және қолтаңбаның дұрыстығын тексереді», – деді ЦДИАӨМ басшысы Бағдат Мусин
Әзірге мұндай терминал тек Астанада. Алдағы уақытта жобаны барлық өңірлерде іске асыру жоспарлануда.
Сол күні ІІМ терминал арқылы ресімделген жеке куәлік – құжат дайындады. Қанат Дарибаев жаңа аппаратты пайдаланған алғашқы адам болды.
https://stan.kz/kazakstanda-avtomattandirilgan-terminaldar-arkili-zheke-378537/
