Фото pixabay
Елімізде балалар лагерлері тегін әрі ақылы түрде қызмет көрсетеді. Ақылы түрдегі лагерлер бір аптадан бастап екі аптаға дейінгі уақыт аралығында жұмыс істейді. Мұнда бес мезгілдік тамақтандыру жүйесі мен балаларға арналған түрлі бағдарламалар ұйымдастырылады.
Еліміздің әртүрлі аймақтарындағы лагерлердің шамамен бағасы:
«Шағала» балалар лагері – Көкшетаудан 70 шақырым жердегі Шалқар көлінің жағасында орналасқан. Мұнда түрлі спорттық, шығармашылық, зияткерлік іс-шаралар мен экскурсиялар қарастырылған. 7 жастан 15 жасқа дейін қабылдайды.
Лагерь уақыты: 9 күн
Құны: 90 мың теңгені құрайды.
«Дарын» лагері – Шығыс Қазақстан облысында, Өскемен қаласынан 25 шақырым жердегі Горная Үлбі кентінде орналасқан. Мұнда балаларға спорттық іс-шаралар, конкурстар, судағы жарыстар ұйымдастырылады. 7 жастан 16 жасқа дейінгі балаларды қабылдайды.
Лагерь уақыты: 10 күн
Құны: 120 мың теңгені құрайды.
“Campit” лагері – Ақтөбе облысындағы Қарғала өзенінің бойындағы көркем жерде орналасқан. Лагерь ағылшын тілін үйренуге бағытталған. 7 мен 15 жас аралығындағы балалар қабылданады.
Лагерь уақыты: 10 күндік ауысым
Құны: 89 800 теңге.
“Dream camp” балалар лагері – Шымкент қаласынан 50 шақырым жердеді Біркөлік шатқалында орналасқан. Лагерь өзінің түрлі тренингтерімен ерекшеленеді. 7 жастан 16 жасқа дейінгі балалар қабылданады.
Лагерь уақыты: 10 күн
Құны: 140 мың теңгеден басталады.
“Балдәурен” республикалық оқу-сауықтыру орталығы – Бурабайда орналасқан бұл лагер көпшілік арасында танылған. Еліміздің ең табиғаты көрікті аймағында орналасқандықтан мұнда балаларын жібергісі келетін ата-аналар көп.
Мұнда 10, 15 жас аралығындағы балалар қабылданады.
Лагерь уақыты: Екі апта
Құны: 150 мың теңге
“Балақай” лагері – Өскемен қаласынан 110 шақырым жерде Бұқтырма су қоймасының жағасындағы «Көгілдір шығанақ» жерінде орналасқан. Бұл жерлер орман тоғайларымен, табиғатымен ерекше. Лагерге 7 жастан 16 жасқа дейінгі балалар қабылданады.
Лагер уақыты: Екі апта
Құны: 150 мың теңге
Фото pixabay
«Тау-Тұран» білім беру-сауықтыру кешені – Іле Алатауының баурайында орналасқан. Мұнда шығармашылық бағдарламалар, түрлі ойындар, бассейн, квесттер және т.б. ұсынылады. 7 жастан 16 жасқа дейінгі балалар қабылданады.
Лагер уақыты: 9 күндік ауысымда
Құны: 150-ден 160 мың теңгеге дейін
«Жас дәурен» оқу-сауықтыру орталығы – Павлодар облысының Баянауылда орналасқан. Мұнда 5 жастан 15 жасқа дейін қабылдайды.
Лагерь уақыты: Екі апта
Құны: (күніне) 23 100 теңгеден басталады. ( екі аптаға шамамен 322 мың теңге)
“RAINBOW CAMP” ағылшынша өткізілетін балалар лагері – Алматы облысында орналасқан. 8 жастан 15 жасқа дейінгі балаларды қабылдайды.
Легерь уақыты: Екі апта
Құны: 350 мың теңге
“Balaland” лагері – Алматы облысының Талғар ауданында Іле-Алатау ұлттық паркінің баурайында теңіз деңгейінен 2 200 метр биіктікте орналасқан. Мұнда балалр тау басындағы экодомиктерде тұрып, денсаулыққа пайдалы уақыт өткізеді. 6 жастан 11 жасқа дейінгі балалар қабылданады.
Лагерь уақыты: Екі апта
Құны: күніне 50 мың теңге
Одан бөлек, елімізде таңертеңнен түске дейінгі немесе кешке дейін жұмыс істейтін де лагерьлер бар. Олардың көбі 8:00-ден 18:00-ге дейін жұмыс істейді. Мұнда тіл үйрену, IT үйірмелер, ойындар мен түрлі бағыттағы қызықты шаралар ұйымдастырылады.
Бағасы айына орташа есепте таңертеңнен түске дейін 25 мың теңге, толық күнге орташа есепте 80 мың теңгеге дейін тұрады.
Фото pixabay
Биыл 1,5 миллион бала лагерге тегін бара алады
Оқу ағарту министрлігі биыл 1,5 миллион жеке санатқа жататын бала жазғы демалыспен тегін қамтылатынын жеткізді.
«Қазақстан халқына» қорының қолдауымен «QH Жаздық жолдама» жобасы шеңберінде 20 мың бала тегін демалуға мүмкіндік алады. Оның ішінде — су тасқынынан зардап шеккен өңірлердің оқушыларына, халықтың әлеуметтік осал топтарынан және көп балалы отбасыдан шыққан ауыл балаларына басымдық беріледі”, – деді минсистрлік.
Қазақстандағы тегін балалар лагерьлерінде демалуға кімдер құқылы?
- мемлекеттік атаулы әлеуметтік көмек алуға құқығы бар отбасылардан;
- жан басына шаққандағы орташа табысы ең төменгі күн көріс деңгейінен төмен мемлекеттік атаулы әлеуметтік көмек алмайтын отбасылардан;
- жетім балалар;
- отбасында тұратын ата-анасының қамқорлығынсыз қалған балалар;
- төтенше жағдайлар салдарынан шұғыл көмекке мұқтаж отбасылардың балалары;
- студенттер мен оқушылардың басқа санаттары.
Баланы тегін лагерлерге жіберу үшін өтінішті қайда беру керек?
Мемлекеттік білім беру мекемелерінің білім алушылары қала сыртындағы және мектеп жанындағы лагерьлерде демалуы үшін жеке тұлғалар өздерінің білім бөлімдеріне өтініш жазады.
Атап айтқанда аудандардың, облыстардың, республикалық маңызы бар қалалардың білім бөлімдеріне, білім басқармаларына, «Азаматтарға арналған үкімет» мемлекеттік корпорациясына немесе «Электрондық үкімет» веб порталы арқылы қажетті құжаттарды жолдау арқылы өтініш береді.
Қажетті құжаттар:
- өтініш;
- ата-анасының немесе қамқоршысының жеке басын куәландыратын құжат немесе цифрлық құжаттар сервисінен электрондық құжат;
- баланың туу туралы куәлігі электронды нұсқада немесе оның көшірмесі қағаз түрінде;
- неке қию немесе бұзу туралы куәліктің көшірмесі;
- № 071/е нысанына сәйкес сауықтыру лагеріне кететін оқушыға медициналық анықтама;
- мәртебені растайтын құжаттың көшірмесі.
Министрліктің мәліметінше, бүгінгі күні жазғы сауықтыру орталықтары жергілікті атқарушы органдардың құзыретінде. Оларды жергілікті білім басқармасы қаржыландырылады.
