#Repost @healthcare.gov.kz
…
Қазақстанда тұмау және ЖРВИ-мен сырқаттанушылықтың өсуі байқалады
ҚР Денсаулық сақтау министрі Ажар Ғиният Үкімет отырысында тұмау және басқа да ЖРВИ-мен сырқаттанушылықтың жыл сайынғы өсуі туралы хабарлады.
Эпидемиологиялық маусым басталғанға дейін тұмауға қарсы 2,7 млн-нан астам адам егілді, бұл республика халқының 14% — ын құрайды.
«Қазіргі уақытта бүкіл республика бойынша А тұмауы вирусының айналымы байқалады, зертхана деңгейінде тұмаудың 500-ден астам жағдайы анықталды. Қаңтардың екінші онкүндігінен бастап ЖРВИ — мен сырқаттанушылықтың күрт өсуі байқалады, бұл тұмау мен ЖРВИ эпидемиялық маусымына сәйкес келеді. 2019 жылғы эпидемиологиялық маусыммен салыстырғанда сырқаттанушылық 1,2 есе өсті, соңғы аптада сырқаттанушылықтың жоғары деңгейі сақталуда, бұл ретте балалар арасында сырқаттанушылық 13% — ға ұлғайды», — деп хабарлады министр.
Ол тұмау мен ЖРВИ алдын алудың спецификалық емес шаралары КВИ алдын алуға ұқсас екенін атап өтті. Бұл маска режимін сақтау, жаппай жиналатын орындарға барудан бас тарту. Аурудың белгілері пайда болған кезде үйде болу, басқалардан оқшаулану және уақтылы медициналық көмекке жүгіну керек.
«ЖРВИ — мен ауырғандардың 50% — ға жуығы балалар екенін ескере отырып, аумақ әкімдері тәрбие және білім беру ұйымдарында профилактикалық шаралардың сақталуына және уақтылы медициналық көмек көрсетуге назар аударуы қажет», — деп толықтырды ведомство басшысы.
