Гүлдердің бағасы 3 мың теңгеден басталып, кейбірінің құны 30-40 мың теңгеге дейін жетеді
Ulysmedia.kz мәліметінше, OLX сияқты маркетплейстерде жақында ғана сыйланған гүл шоқтарын сатуға қойғандар көбейген. Жарнама авторлары гүлдердің әлі де әдемі екенін атап өтіп, олардың суреттерін жариялауда.
Мұндай гүлдердің бағасы 3 мың теңгеден басталып, кейбірінің құны 30-40 мың теңгеге дейін жетеді.
“Сәл ғана қурап қалған. Құрғаған жапырақтарын алып тастасаңыз, жаңа гүлдей болады. Өте әдемі көрінеді. Бастапқы бағасы қазіргі құнынан 2,5 есе жоғары”, – делінген хабарландырулардың бірінде.
Гүл сатуға әркім әртүрлі себеп келтіреді: біреулер гүлді ұнатпайды, ал енді біреулерге ақша қажет.
Айта кетейік, бұл құбылыс жыл сайын қайталанады – 8 наурыздан кейін онлайн платформаларда сыйға тартылған гүлдерді қайта сатуға арналған хабарландырулар жиі шығады.
фото: istockphoto.com
https://turkystan.kz/article/256966-kazakstandyktar-8-nauryzda-algan-gulderin-olx-te-kaita-satyp-zhatyr
