Қазақстандықтардың шетелде салғызған вакцинасы бізде жарамды ма: Министрлік жауап берді
Қазақстан азаматы шетелде коронавирусқа қарсы вакцина алуына бола ма? Сондай-ақ шетелдік вакцина паспорты Қазақстанда жарамды ма? Бұл сұраққа ҚР Денсаулық сақтау министрлігі Санитарлық-эпидемиологиялық бақылау комитетінің төрағасы Айжан Есмағамбетова жауап берді, деп хабарлайды Stan.kz ақпарат агенттігі.
«Азаматтардың вакцина алуы өз еркінде және оны қайдан алатынын да өзі шешеді. Бұл туралы елімізде коронавирусқа қарсы вакцина алу науқаны басталған сәтте айтқан болатынбыз. Егер қазақстандық азамат шетелден вакцина алса, оның паспортын көрсетеді. Сондай-ақ ол паспорт біздің ақпараттық жүйеге азамат вакцина алған болып тіркеледі», – дейді ол.
Сондай-ақ ол вакцина алғаннан кейін 6 айдан соң коронавирус инфекциясына қарсы ревакцина алуға рұқсат етілетінін еске салды.
“Бүгінгі күнге 1 млн 200 мың адам ревакцинациядан өтті. Елімізде «Pfizer» вакцинасының 2,5 млн астам дозасы бар. Жарамдылық мерізімі – 9 ай. Бүгінгі күнге дейін бірінші компонент 564 мыңнан астам адамға, екінші компанент 300 мыңнан астам адамға егілді», – деді Айжан Есмағамбетова.
