Ұлттық қауіпсіздік комитеті қазақ-қырғыз шекарасында із-түзсіз жоғалған сарбазды төрт күннен бері табылмай жатыр деп хабарлады turkystan.kz.
ҰҚК шекара қызметінің Жамбыл облысы бойынша департаменті 2 наурызда жоғалып кеткен «Андас батыр» шекара бөлімшесінде мерзімді қызмет атқарып жүрген әскери қызметші, қатардағы жауынгер Ұлықбек Айдарбекұлы Бердишевті іздеп жатыр.
Іздеуге Жамбыл облысы бойынша шекара қызметінің департаменті мен полиция департаментінің күш-құралдары жұмылдырылған.
«Осы факт бойынша тергеу іс-қимылдары мен қызметтік тергеп-тексеру жүргізілуде. Ұ. Бердишевке қатысты қандай да бір ақпаратқа ие болғандардың барлығына мына телефон номерлері арқылы – 110 (ҰҚК сенім телефоны), 87172719458 (Шекара қызметінің сенім телефоны) хабарлауды сұраймыз»,- деп жазылған хабарламада.
https://turkystan.kz/article/170715-zhambyl-oblysynda-eskeri-boryshyn-otep-zhurgen-sarbaz-zhogaldy/
