Жаңа жылда азық-түлік қымбаттайтыны бар. Содан қауіптеніп отырмыз. Əсіресе, жазда қант күрт қымбаттап, əлеуметтік дүкендердегі арзанырақ бағадағы қантты да əр адамға 1 келіден ғана шектеп сатты.
Енді жаңа жылдан тағы баға бағынбай кетпеуі үшін «Тараз» əлеуметтік-кəсіпкерлік корпорациясы» ұлттық компаниясы» акционерлік қоғамы қорға азық-түлікті қаншалықты жинай алды екен? Айтайын дегенім – азық-түлік бағасын бағындыруға қорда қаржы бар ма?
Бигелді ЖҰБАТҚАНОВ, Тараз қаласы тұрғыны.
– Бүгінгі күні «Тараз» ƏКК» акционерлік қоғамы мен облыс əкімдігі өңірдің тұрақтандыру қоры шеңберінде азық-түлік қауіпсіздігін қамтамасыз ету шараларын жүзеге асыруда.
Тараз қаласының əлеуметтік павильондары мен сауда нүктелерінде («Фиркан» ЖК, «Дəмді себет» ЖШС, «Əлеуметтік павильондар» ЖШС) «Тараз» ƏКК» АҚ тұрақтандыру қорының күріш, ұн, қарақұмық жармасы, жұмыртқа, сəбіз жəне тағы басқа сол сияқты əлеуметтік маңызы бар азық-түлік тауарлары сатылуда. 406,7 миллион теңгеге 3060 тонна азық-түлік тауарлары сатып алынды.
2021 жылы 4 506,1 тонна тауар, 30,5 мың бөлке нан жəне 339,36 мың тауық жұмыртқасы сатылды (578,8 миллион теңге).
Сонымен қатар, əлеуметтік павил ьонд ар мен сауд а нүктелеріне жергілікті тауар өндірушілерден «Көкжиек-2030» ЖШС жəне «Бурненская молочная компания» ЖШС сүт өнімдерін төмен бағамен жеткізу жүзеге асырылуда.
Бүгінде Тараз қаласында осындай 18 əлеуметтік павильон орнатылып, ағымдағы жылдың 10 желтоқсанында Жуалы ауданында 1 павильон ашылды.
Олардың орналасқан орындарымен жəне тауарларды жеткізу кестесімен кез келген тұтынушы біздің сайтымыздың «тұрақтандыру қоры» бөлімінде таныса алады.
Əлеуметтік маңызы бар азық-түлік тауарларына бағаларды тұрақтандыру тетіктерін іске асыру шеңберінде «Тараз» ƏКК» акционерлік қоғамы кəсіпкерлерге несие беруді де жүргізуде.
2021 жылы кəсіпкерлік субъектілерін айналым қаражатын толықтыруға несиелендіру жалғастырылды. Қарыздар əлеуметтік маңызы бар азық-түлік тауарларының түрлері бойынша, көкөністердің белгілі бір түрлері бойынша, сондай-ақ күнбағыс майы мен ұн бойынша жалпы сомасы 779,9 миллион теңгеге 5 кəсіпкерлік субъектісіне берілді.
Ал 2022 жылы 1500 тонна қант, 3000 тонна ұн, 1,5 миллион тауық жұмыртқасы, 800 тонна көкөніс, 300 тонна сүт, 120 тонна өсімдік майын алу жоспарлануда. Сонымен қатар, кəсіпкерлерге пайызсыз несие беру шеңберінде 3100 тонна ұн, 2500 тонна көкөністер, тағы басқа əлеуметтік тауарлар сатып алу бойынша келіссөздер жүргізіліп қойды.
Қант мəселесіне келер болсақ, əлеуметтік дүкендердегі қанттың қат болып, тұрғындардың кезек күтетіндігі рас. Оның себебі, қанттың нарықтағы бағасы 300-350 теңге болса, əлеуметтік дүкендерде 220 теңгеден өтк еріледі. Сондықтан тұрғындардың көпшілігі арзандатылған бағамен алуға тырысатындығы белгілі. Сонымен қатар, «тосап қайнату» науқаны кезінде көпшіліктің қант кезегінде тұрғанын жоққа шығара алмаймыз.
Өйткені əлеуметтік дүкен болған соң арзан қант алғысы келетіндер оны көп мөлшерде алғылары келді. Осыны ескере келе, қордағы тауардың үнемдеу мақсатында əр тұрғынға 1,5 келіден өткеру туралы шешім қабылданған. Бұдан өзге, ортада пайда көріп қалу мақсатында делдалдардың пайда болып кеткенін де айта кеткен жөн.
https://arainfo.kz/azi%D2%9A-t%D2%AEl%D0%86k-ba%D2%92asin-ba%D2%92indiru%D2%92a-%D2%9Aorda-%D2%9Aarzhi-bar-ma
Арман ТҮЙМЕБАЕВ,
«Тараз» ӘКК» АҚ Сауда жəне азық-түлік қауіпсіздігі департаментінің директоры
