Жақында «AMANAT» партиясы аудандық филиалының жанындағы азық-түлік тауарларын зерделеуші жұмыс тобының құрамы аудан орталығында орналасқан сауда-саттық орындарын аралап, бағаны негізсіз өсірмеу бағытында түсінік жұмыстарын жүргізді. Әлеуметтік маңызы бар азық-түлік бағасын бақылау мақсатында топ мүшелері аудандағы «ТБ», «Жалғас», «Олжа», «Дидар» азық-түлік дүкендерін аралады.
Зерделеу барысында аудан бойынша әлеуметтік маңызы бар азықтүліктердің шектік бағалары тұрақты екеніне көз жеткізді. Атап айтқанда нан бағасы — 160 тг, қант кг – 720-800 тг, сұйық май литрі -795 тг, ал күріш кг – 440 тг, картошка кг -230 тг , сәбіз кг -250 теңгеден. Комиссия мүшелері аралаған дүкендерде тауарлардың бағалары біршама орнықты болды. Тек «Жалғас» дүкенінде баға басқа дүкендерге қарағанда арзанырақ екен. Дүкен сөрелеріндегі бағалары (ценник) маркермен жазылған, аппарат бағасы қойылмаған, тауарлардың мерзімдері қалыпты. Аралау барысында топ мүшелері кәсіпкерлерге әлеуметтік маңызы бар азық-түлік өнімдерінің бағасын көтермеу жөнінде, негізсіз баға өсімі болған жағдайда Қазақстан Республикасы заңдарына сәйкес жауапкершілік көзделгені туралы түсінік жұмыстары жүргізілді. Алдағы уақытта азық-түлік бағасын негізсіз көтерілуін қадағалау мақсатында «AMANAT» партиясыныңаудандық филиалы жанындағы азықтүлік тауарларын зерделеуші жұмыс тобы және жергілікті әкімдікпен бірге жүйелі шаралар жүргізіп отыратын болады.
Мойынқұм ауданы
