Батыс Қазақстан облысында әйел зорлады деген күдікпен екі азамат ұсталды.
БҚО полиция департаментінің ресми өкілі Болатбек Белгібековтің мәліметінше, оқиға Оралда саяжайлардың бірінің маңындағы орманда болған.
Кешкі уақытта Л. есімді 1989 жылғы әйел сол тұстан өтіп бара жатқан кезде арақ ішіп отырған екі тұрғынның бірі оны байқап қалған. Содан кейін оны қуып жетіп, тамағынан ұстап, орманға кіргізіп, зорлаған. Сосын күш көрсетіп, арақ ішкізген. Егер полицияға шағымданатын болса, кек аламыз деп қорқытқан.
«Қазіргі кезде тергеу изоляторында отырған Бөрлі ауданының 1988 жылғы И. және Орал қаласының 1975 жылғы Ы. деген тұрғынына қатысты ҚР ҚК 120-бабы 2-бөлігіне сәйкес (зорлау) тергеу амалдары жүргізілуде. Екеуі де бұрын ұрлық жасап, кісі тонағаны үшін сотталған», – деді Б.Белгібеков.