Жастарды ауданның қоғамдық, абаттандыру-көгалдандыру жұмыстарына тарту мақсатында 2020 жылы «Жасыл ел» еңбек жасақтарына 4 млн. 174 мың теңге бөлініп, 80 жас жұмыспен қамтылған. Биыл бағдарлама аясында 80 жасқа, 4 млн. 493 мың теңге қаржы қарастырылды. Бүгінгі күні абаттандыру жұмыстары «Теміржолшылар», «Жеңіс» саябақтары мен Паравоз монументінде жүргізілуде.
Ал «Дипломмен ауылға» бағдарламасы аясында әлеуметтік сала мамандарын жұмыспен қамтып, ауылға тұрақтандыру мақсатында ағымдағы жылы 28 маман жалпы соммасы 8 млн. 167 мың 600 теңге болатын көтерме жәрдемақы алса, 15 маманға 65 млн. 632 мың 500 теңге бюджеттік несие берілген. Осы орайда айта кетерлігі 2009-2021 жылдар аралығында 389 жасқа бюджеттік несие, 392 жасқа көтерме жәрдемақы тағайындалған .
Ауданда мемлекеттік жастар саясатын іске асыру мақсатында аудандық бюджеттен 2020 жылы қаржыландыру көлемі 58 млн. 570 мың теңгені құраса, ағымдағы жылға 58 млн. 102 мың теңге бөлінген.
«Жастар ресурстық орталығы» қызметкерлерінің саны
бүгінде 42 адамды құрайды. Олардың 19-ы жоғарғы білімді болса, 9-ы арнаулы орта оқу орнын бітірген. Оның ішінде 6-ы жоғарғы білім алуда. Бос орындар саны – 5.
Бүгінгі күнде ауданда 23 NEET-жас бар. Аталған жастармен адрестік жұмыстар мен аудан деңгейінде өткізген әр түрлі бағыттағы шараларға тарту жұмыстары жүргізілуде.
