«BabySkills Merke» аудандық байқауы өтті

2025 жылдың 12 қарашасында Жамбыл облысы әкімдігінің білім басқармасы «Техникалық және кәсіптік білім беруді дамыту орталығы» және №9 Меркі колледжінің ұйымдастыруымен мектепке дейінгі білім беру ұйымдарының тәрбиеленушілері арасында «BabySkills Merke» аудандық байқауы өткізілді.

Байқаудың мақсаты – балалардың ерте жастан қызығушылықтары мен қабілеттерін анықтап, оларды түрлі кәсіп түрлерімен таныстыру, еңбекке баулу және болашақ мамандыққа бағыт беру.

«BabySkills Merke» байқауы «Robotland Kids» және «Baby Chef Skills» құзыреттіліктері бойынша өткізілді. Аудандық деңгейде өткен сайысқа 26 қатысушы қатысып, өз білімдері мен дағдыларын көрсетті. Қатысушылардың жұмыстарын бас сарапшы мен өндіріс орындарынан шақырылған сарапшылар бағалады.

Байқау нәтижесінде жеңімпаздар I, II, III орындармен, Алғыс хаттармен және арнайы сыйлықтармен марапатталды.

Осындай игі бастамалар жас жеткіншектердің кәсіби бағдарлануына, шығармашылық және еңбек дағдыларының қалыптасуына үлкен серпін береді.