Түбі бір түркі әлемінің алтын бесігі – Тараз
.Байқауға қатысуға құжаттар 20.11.2024 жылдан бастап қабылданады.
.Үміткерлер өтінімдерді сұраныстар және хабарламалар материалдарының цифрлық нұсқасын жіберуге арналған ресми электрондық пошта мекенжайы Ұйымдастырушымен: Ovp_taraz@mail.ru немесе Тараз қаласы, Төле би даңғылы №48 (4 кабинет) мекенжайына жолдай алады. Сонымен қатар байқау туралы ақпаратты8 778 640 8988 нөміріне қоңырау шалу арқылы білуге болады.
.Байқаудың толық ережесі мен шарттары Тараз қаласы әкімдігінің ресми сайтында https://www.gov.kz/…/zhamby…/documents/details/750935… жарияланды.
Бүгін қала әкімі Бақытжан Орынбеков «Тектұрмас» этно-тарихи кешеніндегі «Ежелгі бекініс» құрылыс нысанының пайдалануға берілуін және аталған кешеннің тиісінше абаттандырылуын мүдделі тұлғалармен пысықтады.«Тектұрмас» этно-тарихи кешені қала тұрғындары мен қонақтарына демалуына жайлы және жастар үшін рухани тәрбиелік мақсаты болуын тілге тиек етті.
Еліміздің ең көне қаласының тарихына дұрыс баға беру үшін «Түбі бір түркі әлемінің алтын бесігі — Тараз» деген ұғымды қалыптастыруды ұсынды. Тараз — түркі өркениетінің бастауы, мәдениет пен тарихтың тоғысқан орны. Оның бай мұрасы мен тарихы тек Қазақстан үшін емес, бүкіл түркі халықтары үшін маңызды. Бүгінгі таңда Тараз — түркі халықтарының бірлігін білдіретін, ортақ тарих пен мәдениетті дәріптейтін, көне заманнан бүгінгі күнге дейін жалғасып келе жатқан алтын бесік.Тараз Ұлы Жібек жолының бойында орналасқандықтан, маңызды сауда, мәдени және діни орталық ретінде танымал болған. Бұл жерде әр түрлі мәдениеттер мен өркениеттер тоғысып, қала дамуына өзара ықпал еткен. Қала тарихында түркі тайпаларының, оның ішінде түркі қағанатының, оғыздар мен қарлұқтардың ізі сайрап жатыр.
Қаланың терең тарихына мән беру қала тұрғындарының тарихи тамырларын сақтап, бай мәдени мұрасын жалғастыруға септігін тигізері сөзсіз.
«Түбі бір түркі әлемінің алтын бесігі — Тараз» мемориалдық кешенінің эскиздік жобасына конкурс жарияланып, жеңімпазына 10 млн теңге жүлде берілетінін хабарлады. Жоба бойынша консультант болып Ш.Мұртаза атындағы «Руханият» орталығының директоры С.Қалиев белгіленді.