«Қазақстан Республикасының мемлекеттік қызметі туралы» Қазақстан Республикасы Заңының 15-бабы 1-тармағына, 28-бабы 1-тармағына және 30-бабына сәйкес, Байзақ ауданы әкімінің 2024 жылғы 31 желтоқсандағы №71-Ж/Қ өкімімен Құрманов Асылжан Тұрсыналыұлы Жамбыл облысы, Байзақ ауданы әкімі аппаратының басшысы болып тағайындалды.
Асылжан Тұрсыналыұлы 1981 жылы 15 қыркүйекте Жамбыл облысы, Байзақ ауданы, Ынтымақ ауылында дүниеге келген.
Ұлты – қазақ, білімі — жоғары.
2002 жылы М.Х.Дулати атындағы Тараз мемлекеттік университетін «Әлеуметтік орта және сапа менеджменті» мамандығы және 2011 жылы Жамбыл гуманитарлық-техникалық университетін «Құқықтану» мамандығы бойынша бітірген.
Еңбек жолын 2002 жылы мемлекеттік емес жинақтаушы Тараз қаласы «Валют-Транзит қоры» ЖАҚ-ның маманы болып бастаған.
2003-2010 жылдары «Тараз» политехникалық колледжінің оқытушысы, директордың орынбасары, 2010-2012 жылдары Тараз қаласы «Өркениет» гумманитарлық-техникалық колледжінің атқарушы директоры болып қызмет еткен.
2012-2022 жылдары аралығында Жамбыл облысы әкімдігінің ішкі саясат басқармасының бас маманы, бөлімнің басшысы, 2022-2024 жылдары Жамбыл облысы әкімі аппаратының әлеуметтік-саяси мониторинг бөлімінің басшысы, қоғамдық даму бөлімінің басшысы қызметтерін атқарған.
Үйленген, төрт бала тәрбиелеп отыр.
