Бала қауіпсіздігі – қоғамның басты міндеті

Меркі ауданында «Бала қауіпсіздігі – қоғамның басты міндеті!» тақырыбында ата-аналармен кездесу өткізілді.
Кездесуге Жамбыл облысы әкімдігі білім басқармасының басшысы Өмірбек Мейірхан Азатұлы, басқарма басшысының орынбасары Нысанбаев Мұхит Аманқұлұлы, психология ғылымдарының кандидаты Вероцкая Гульжан Ералықызы, республикалық “Сенімен болашақ” қоғамдық бірлестігі облыстық филиалының психологы Марал Хантөреқызы, облыстық психикалық денсаулық орталығының бас дәрігерінің орынбасары Мамедов Ингазим Анварович, Меркі аудан әкімінің орынбасары Нарікбаев Нурсұлтан Бақытжанұлы, Меркі ауданының прокуроры Әмірхан Елдос Тұрғынбайұлы, ауылдық округ әкімдері, аудан ардагерлері, денсаулық сақтау саласының мамандары, полиция қызметкерлері және ата-аналар қатысты.
Баланың қауіпсіздігін қамтамасыз ету үшін қоғамның назарын аудару мақсатында ұйымдастырылған кездесуде Вероцкая Гульжан Ералықызы жасөспірімнің психологиялық ерекшелігі, баламен жұмыс жүргізудің әдіс-тәсілдері, жасөспірімнің мінез-құлқының қалыптасуы бойынша жұмыс бағыттары сынды өзекті тақырыптарда сөз қозғады. Сонымен қатар, республикалық «Сенімен болашақ» қоғамдық бірлестігінің Жамбыл облысындағы филиалының психологы Марал Хантөреқызы психологиялық тренинг ұйымдастырды. Кездесу соңында ата-аналар өздерін толғандырған сұрақтарға жауап алды.
Отбасылық құндылықтарды нығайту, қоғамды отбасы проблемаларына тарту және оларды шешудің жолдарын табу бойынша жұмыс жүргізу қоғамның басты міндеті.