Бала кезінде ұрланған ер адам қолдан жасаған картаның көмегімен анасын іздеп тапты

Бала кезінде жоғалған Қытай тұрғыны араға 33 жыл уақыт салып, туған анасын іздеп тапты. 4 жасында оны әлдебіреулер ұрлап әкетіп, өзге отбасына сатқан. Арада көп жылдар өткеннен кейін, ол есінде сақталған жерлерді қағазға түсіріп, сол арқылы туған анасын тапты, деп хабарлайды Шаңырақ инфо South China Morning Post басылымына сілтеме жасап.

Ли Цзинвэйдің сөзінше, шамамен 4 жаста болғанда оны біреулер ұрлап әкеткен. Кейін ұрлықшылар сәби сүйе алмай жүрген отбасына баланы сатқан. Ол туған ауылынан мың шақырым жерде орналасқан Хэнань ауылында өсті.

Ер адам өмір бойы туған үйін жадында сақтауға тырысқан. Бірақ не ауылының атын, не өзінің шын есімін есіне түсіре алмапты.

Ер жеткен соң, ол ата-анасын іздеуге кіріскен. Есінде сақталған өзен мен төбені суретке түсірді. Отбасын іздеу барысында ол полиция мен желі қолданушыларының көмегіне жүгінді. Сол арқылы өзінің туған жерін тапты.