Павлодарлықтар көшпелі циркке шағымданды (видео)
Арман ТОРҒАЙҰЛЫ
Павлодар тұрғындары жеке тұрғын үй аумағында тұрған ауыр жүк көліктерін видеоға түсіріп, әлеуметтік желілерде таратты. Кадрларда контейнерлерден жабайы жануарлардың дыбысы естіліп тұр.Қалалықтардың шағымына Павлодар қаласының әкімі Асайын Байхан назар аударды, деп хабарлайды Шаңырақ инфо Экспресс К сайтына сілтпме жасап…
Бейнежазба Instagram-дағы «Типичный Павлодар» парақшасында жарияланды.
«Жануарлар жүк көлігінің тіркемесіне қамалған. Көршіміз келген цирк әртістеріне үйін 3 айға жалға беріп қойды. Күні-түні көшеден жануарлардың, арыстандар мен басқа да жыртқыш аңдардардың дыбысын естиміз. Учаскелік полиция қызметкері келіп кеткен. Бірақ ешқандай шара қолданбады. Балалар сыртқа шығудан қорқады. Мұнда жануарлар 3 ай болады», — делінген жазбада.
Қала тұрғындары цирк иелері жануарларға дұрыс қарамайды деп кінәлап отыр. Сонымен қатар, олар жабайы аңдар көршілерге қауіпті екенін айтады.
Жануарларға мұндай көзқарас үшін жазалауды қашан бастайды?!», «О Құдайым! Жануарларды мазақ ету деген не масқара? Алда аяз болады деп жатыр! Аңдарды қорғауға арналған жаңа заңымыз қайда? Оларды тасымалдау және ұстау қауіпсіздігі қайда?
Жарияланымға қала әкімі Асайын Байхан да жауап беріп, осы жағдайға қатысты өзінің Instagram-дағы парақшасында жазба жариялады.
Пікір қалдырған және наразылығын білдірген павлодарлықтармен келісемін. Осы себепті мен 10 жылдан астам уақыт хайуанаттар бағына, цирктерге бармаймын және балаларымды онда апармаймын,
Ол «Жануарларға жауапкершілікпен қарау туралы» заң қарастырылып жатқанын және жақын арада қабылдануы мүмкін екенін атап өтті.
Сонымен қатар, әкім келеңсіздік анықталса, әкімшілік шаралар қолданылатынын айтты.
