1 маусым- Халықаралық балаларды қорғау күніне орай
27 мамыр күні Жамбыл облысы Жуалы ауданының №19 Д.А.Қонаев атындағы мектеп гимназияның мәжіліс залында — «Балаларды қорғау күніне” орай “Балалардың амандығы – мемлекеттің маңызды міндеті» атты дөңгелек үстел өткізілді.![]()
Балаларды қорғау күні – өскелең ұрпақты аялаудың символы, олардың құқығы мен мүддесін қорғап, аман-саулығын қамтамасыз ету ісінің маңызын айшықтайтын айрықша мереке. Биыл балаларды қорғау күні онкүндік аясында тойлануда. Соның бүгін төртінші күні «Балалар үні» күні деп аталады.![]()
Мақсаты:
Балалардың денсаулығы, қауіпсіздігі, құқықтары мен дамуына жағдай жасау мәселелеріне қоғам назарын аудару, мемлекет тарапынан жүргізіліп жатқан қорғау шаралары жайлы ақпарат беру және балалардың аман-есен өсуі үшін ортақ жауапкершілікті қалыптастыру.![]()
Дөңгелек үстелге аудандық ардагерлер кеңесінің төрағасы Жұмашев Сейітхан Шерелханұлы, аудандық ардагерлер кеңесі төрағасының орынбасары Ералиев Абуғали, Жуалы аудандық Аманат партиясы филиалының төрағасы Нарымбеков Марат, аудандық әкелер кеңесінің төрағасы Нұрғабылов Нұридин, Б.Момышұлы ауылының әкімі Кусембаев Ратбек және белсенді жастар, мектеп оқушылары қатысты.![]()
Дөңгелек үстелде ардагерлер бала амандығы мен қауіпсіздігі туралы айтып, балалардың жан-жақты дамуы мен болашағының жарқын болуы үшін құқықтық базаны нығайтып, әлеуметтік қолдауды күшейте отырып, олардың қауіпсіздігін қамтамасыз етуді ұсынды.
