Мөлдір Әуелбекова жаңа образдағы суретін жариялап, елдің қызу талқысына түсті. Көпшілік әншінің қатты өзгергенін, тіпті, танымай қалғандарын атап өтті.
Мөлдір:
«Мен қазақ қыздарына қайран қалам” — деп өзіме өзім тамсансам ұят болар… Одан да сіздер айтыңыздаршы, образым қалай?
Бұдан бөлек сахнаға өте әдемі образдар дайындап қойдым арнайы Сіздер үшін! Мерекелеріңізбен!», — деп жазба қалдырды Instagram-дағы парақшасында.
Мөлдірдің қазақы нақыштағы образы кей фанаттарға ұнаса, кейбіріне мүлдем жақпады.
«Мейкап онша емес, барби сияқты. Ал киімге әңгіме жоқ, мен қазақ қыздарына қайран қалам дегенге лайық», «Сәл бетіңізді дұрыс боямаған», «Маған бұрынғы түрі ұнайтын. Шынайы еді», «1 тонна макияж», «МашАлла, сұп-сұлу мөлдіреген Мөлдір», «Қандай әдемі», «Бояу табиғи сұлулығыңызды жасырып тұр», — деп жазды желі оқырмандары.
