-Соңғы екі жылда ауылымызда көшелерді ретке келтіру бойынша бірқатар жұмыстар атқарылып шықты. Кенен ауылына қолдау көрсетіп, мемлекеттік бағдарламалар бағдарынан тыс қалдырмаған аудан басшылығына, жұмыстар жүргізіліп жатқанда түсіністік танытқан ауыл тұрғындарына айтар алғысымыз көп. Ендігі кезекте көлік жүргізушілер тегіс жолмен жүргенде жылдамдықты асырмай, заң талаптарын сақтап жүрсе, қауіпсіздік деген мәселеге мән берсе деген тілегіміз бар. Осының барлығы ауылымыздың игілігі үшін атқарылып жатқан шара деп білеміз, — дейді Кенен ауылдық округінің әкімі Нүркен Жаманкөзов.
Соңғы жылдары ауыз су жайы ретке келіп, жолдары жасалып, газдандыру жұмыстары қарқын алған ауылда жақсы жаңалықтар легі осымен тоқтамайды деген сенімдеміз.
Қордай ауданының әкімдігі
