Кейде тарихтағы үлкен жетістіктердің артында қарапайым игі істер, адамдарға көмектесуге деген ұмтылыс тұрады. Осындай ізгіліктер биылғы 2022 жылдың қаңтар айында орын алған төтенше жағдай кезінде еріктілердің көмегімен жасалған жұмыстардан көруге болады. Бұлардың барлығы ауданның қоғамдық-саяси ахуалын тұрақтандыруға қосқан үлкен үлес еді.
Бүгін аудан әкімі Қанатбек Мәдібек ауданымызда қоғамдық—саяси ахуалды тұрақтандыруға үлес қосқан бірқатар аудан азаматтарымен кездесті.
Кездесуде сөз алған аудан әкімі Қанатбек Мәдібек жиналған қауымды ел үшін көптеген игі істерді атқарған ауданымыздың бірқатар азаматтарына шын жүректен жылы лебізін айтып, аудан әкімнің «Алғыс хатымен» марапаттады.
Марапатқа ие болған азаматтардың ішінде ауданымыздың атын асқақтатып жүрген белгілі спортшылар, тәжірибелі жаттықтырушылар, белсенді жастар мен кәсіпкерлер бар.
Талас ауданы әкімдігінің баспасөз қызметі