«Атадан бота қалғанша, бата қалсын» деген бір ауыз сөзге тоқтаған халықтың ұрпағымыз. Аузы дуалы, сөзі уәлі, көпті көрген, көп жасаған жандардан бата алу дәстүріміз бұрыннан бар. Бүгінде білекті көтеріп бата сұрағанда тост айтып, тілек білдіріп, дүйім жұртты күлдіріп жүрген жандар аз емес. Халық арасында Төле бидің батасы, Жамбылдың батасы, кешегі Бауыржанның батасы деген лебізді лепестер ауыздан-ауызға таралған. Саралардың сарқытының түгесімегенін білдіретін, олқылықтардың орнын түзейтін бата беру жарысы жолға қойылғаны баршамызды қуантуда. Мақсаты айтпаса да ұғынықты мұндай шара жуырда Қордай ауданы Әлжан ана ауылында өткен болатын.
Жамбыл облыстық ардагерлер кеңесі ел Тәуелсіздігінің 30 жылдығына арнап «Батаменен ел көгерер» атты республикалық байқаудың іріктеу кезеңін ұтымды ұйымдастырғанын атап өту керек. Оған облысымыздың әр ауданынан және Тараз қаласынан келген қариялар қатысып, бақ сынасты. Бақ сынаған батагөйлер арасында біздің жерлесіміз де бар. Ақсу ауылдық округі, Оразалы батыр ауылының ардагерлер алқасының төрағасы, облыстың «Құрметті ардагері» Жайлаубек Қалиев қатысып қана қоймай, бас жүлдені жеңіп алғанын сүйіншілей хабарлаймыз. Жайлаубек қарияны жеңісімен құттықтап, келесі айдың ортасында өтетін Атырау облысындағы Республикалық байқауда табысқа жетуіне тілектестік білдіреміз.
redporn sex videos porn movies black cock girl in blue bikini blowjobs in pov and wanks off.