Алматы қаласының әкімі, «Нұр Отан» партиясы төрағасының бірінші орынбасары болған бұрынғы шенеунік Бауыржан Байбек кіші қажылықта жүр. Dostyk.travel туристік агенттігінің хабарлауынша, Бауыржан Қыдырғалиұлы қасиетті Рамазан айында діни рәсімді орындауға анасымен бірге аттанған.
«Қасиетті Рамазан айында Бауыржан Байбек ағамыз анасымен Умра қажылығын жасады. Елімізге,жерімізге жасаған дұға тілектеріңіз қабыл болсын!» – деп жазды ақпарат көзі.
Желі қолданушыларының арасында «Мынадай жерде фотога түсіру, тіптен қате. Ол кіші ширк болып қалуы мүмкін. «Көрдіңдер ма, біз умра жасап жатырмыз?» деп адамдар айтсын дегендей фотоға түсіп қалудан қорқу керек. Адам құлшылығын тек Аллаға ғана арнап, ешкімге көрсетпеуі керек», – деп жазғандар бар.
https://aikyn.kz/192646/bauyrzhan-baybek-anasymen-birge-kazhylykka-zhur/
