Ауданымызға «БЕЙБІТШІЛІК ПЕН КЕЛІСІМ» жобасы аясында құрылған жұмыс тобы келіп, актив жиынын өткізді.
📍Жиынды аудан әкімінің орынбасары Сәбит Төлегенов жүргізіп, облыс орталығынан келген меймандарды таныстырып, сөз кезегін беріп отырды.
📍Мемлекет басшысы Қасым — Жомарт Тоқаевтың тапсырмасымен осыдан екі жыл бұрын бастау алған «Бейбітшілік пен келісім» жобасы бүгінде жалғасын тауып, Жамбыл облысы әкімінің жуырдағы өкімімен бекітілген арнайы 3 жұмыс тобы Мойынқұм ауданына келді.
📍Топ құрамында құқық қорғау, денсаулық сақтау, дін, білім, бизнес, банк, құрылыс және т.б. сала өкілдері бар.
📍Аталған топ 2 күн (8-9 қыркүйек күндері) өңіріміздің тұрғындарымен, түрлі ұжымдармен кездесіп, азаматтарды қабылдау барысында шағымдарына құлақ түрмек.
📍Жұмыс топтарын басқарып келген 3 топ жетекшілері
✅І ТОП.
«ЭТНОСАРАЛЫҚ ЖӘНЕ КОНФЕССИЯАРАЛЫҚ КЕЛІСІМ ТОБЫНЫҢ ЖЕТЕКШІСІ
Жамбыл облысы әкімдігінің ішкі саясат басқармасы Облыстық Қазақстан халқы Ассамблеясының хатшылығы-этносаралық қатынастар мәселелері жөніндегі бөлімінің басшысы — Ырысдәулет Құдайберген Жамбылұлы.
✅ІІ ТОП.
ӘЛЕУМЕТТІК ТҰРМЫСТЫҚ МӘСЕЛЕЛЕРДІ ШЕШУ ЖӘНЕ БИЗНЕСТІ ДАМЫТУ ТОБЫНЫҢ ЖЕТЕКШІСІ
Жамбыл облысы әкімдігінің жұмыспен қамтуды үйлестіру және әлеуметтік бағдарламалар басқарма басшысы Келесов Еркін Егембердіұлы.
✅ІІІ ТОП.
ҚҰҚЫҚ ҚОРҒАУ САЛАСЫ
📍Әр топ жетекшілері топтың мақсаты мен міндеттерін таныстырып, сәттілік тіледі.
Мойынқұм ауданы