Бейжіңдегі қысқы Олимпиада ойындарын 150 мыңға жуық көрермен тамашалай алады. Бұл туралы «Бейжің-2022» ұйымдастыру комитетінің вице-президенті Ян Шуань мәлімдеді, деп хабарлады «Хабар 24». Қаңтар айында эпидемиологиялық ахуалдың нашарлауына байланысты төртжылдықтың бас додасына билеттер сатылымнан алынған болатын. Кейіннен билеттер белгілі бір топтарға ғана берілетіні айтылды. «Бұл көрермендер қатарына Қытайдың құрлықтық бөлігінде өмір сүретін шетелдіктер, дипломатиялық миссия мүшелері мен маркетинг жөніндегі серіктестер, жергілікті тұрғындар мен бастауы және орта мектеп оқушылары кіреді», – деді Ян Шуань Халықаралық олимпиада комитетінің сессиясында сөйлеген сөзінде. Бейжіңдегі Олимпиада ойындары 4-20 ақпан аралығында өтеді. Осы категория бойынша: « Бейжіңдегі Олимпиадада 19 мың волонтер жұмыс істейді
Источник: https://24.kz/kz/zha-aly-tar/sport/item/525749-bejzhi-2022-olimpiadany-150-my-k-rermen-tamashalajdy
Қолданылған материалдарға міндетті түрде www.24.kz сайтына гиперсілтеме берілуі тиіс / Любое использование материалов допускается только при наличии гиперссылки на www.24.kz
