Қазақстандық боксшы Бекзат Нұрдәулетовтің кезекті қарсыласы белгілі болды. Ол 5 ақпан күні Ақтауда өтетін бокс кешінде Нидерланд өкілі Чико Куасимен жұдырықтасады.
Жергілікті Adal Promotions компаниясының ұйымдастыруымен өткелі отырған дүбірлі додада әуесқойлар арасындағы әлем чемпионы Бекзат Нұрдәулетов кәсіпқой рингтегі төртінші кездесуін өткізеді. Отандасымыздың 23 жастағы қарсыласы Чико Куаси бүгінге дейін шаршы алаңда алты жекпе-жек өткізіп, соның бесеуінде жеңіске жеткен. Бір кездесуі тең есеппен аяқталған. 10 раундтық форматта өтетін жекпе-жекте екі боксшы WBO Youth белдігін сарапқа салады.
https://egemen.kz/article/302361-bekzattynh-qarsylasy-belgili
