Тәуелсіздік күні қарсаңында Тараз қаласында зейнеткерлерге арналған заманауи екінші «Белсенді ұзақ өмір орталығы» салтанатты түрде ашылды. Айта кетейік, алғашқы 150 орындық орталық Тараз қаласында 2023 жылы пайдалануға берілген болатын.
Құт-берекесі жарасқан, киелі Әулиеата өңірінің ардагерлеріне арналған бұл әлеуметтік нысан Жамбыл облысы әкімдігінің, «Samruk-Kazyna Trust» корпоративтік қорының және «Жамбыл-Даму» қорының қолдауымен бой көтерді. Жаңа орталықтың ашылу салтанатына Жамбыл облысының әкімі Ербол Шырақбайұлы Қарашөкеев, «Samruk-Kazyna Trust» КҚ Қамқоршылық кеңесінің мүшесі, «Самұрық-Қазына» АҚ Адам ресурстарын басқару департаментінің жетекшісі Нариман Мелдебек, облыстық ардагерлер кеңесінің төрағасы Еркінбек Бейсенбекұлы Солтыбаев, Тараз қаласының әкімі Бақытжан Орынбеков, зиялы қауым өкілдері, облыс пен қала ардагерлері, зейнеткерлер және бұқаралық ақпарат құралдарының өкілдері қатысты. Үш қабатты, 200 орынға шақталған заманауи ғимарат аға буын өкілдерінің өмір сапасын арттыруға және оларды жан-жақты қолдауға бағытталған. Мұнда зейнеткерлер денсаулық мәселелері бойынша кеңес алып, психологиялық қолдауға ие болып, оқу курстарына қатысып, түрлі үйірмелерге жазыла алады. Орталықта фитокабинет, тренажер залы, бильярд бөлмесі, тұзды шахта, йога және би залдары, қолөнер мен музыка кабинеттері, бассейн, сауна, компьютерлік сыныптар және өзге де қажетті инфрақұрылым қарастырылған. Қонақтар вокал, би, спорттың түрлі түрлері, қолөнер және басқа да бағыттар бойынша еркін айналыса алады. Барлық қызметтер зейнеткерлер үшін тегін көрсетіледі. Салтанатты ашылу рәсімінде сөз сөйлеген облыстық ардагерлер кеңесінің төрағасы Еркінбек Бейсенбекұлы Солтыбаев ел Президенті Қасым-Жомарт Кемелұлы Тоқаевқа, Жамбыл облысының әкімі Ербол Шырақбайұлы Қарашөкеевке, «Самұрық-Қазына» АҚ Адам ресурстарын басқару департаментінің басшысы Нариман Мелдебекке және «Жамбыл-Даму» қорына зейнеткерлерге көрсетіліп жатқан қамқорлықтары үшін алғысын білдірді.
Тәуелсіздігіміздің 34 жылдығы құтты болсын!
Алға, Қазақстан!Тәуелсіздік күні қарсаңында (15.12.2025ж) Тараз қаласында зейнеткерлерге арналған заманауи екінші «Белсенді ұзақ өмір орталығы» салтанатты түрде ашылды. Айта кетейік, алғашқы 150 орындық орталық Тараз қаласында 2023 жылы пайдалануға берілген болатын.
Құт-берекесі жарасқан, киелі Әулиеата өңірінің ардагерлеріне арналған бұл әлеуметтік нысан Жамбыл облысы әкімдігінің, «Samruk-Kazyna Trust» корпоративтік қорының және «Жамбыл-Даму» қорының қолдауымен бой көтерді. Жаңа орталықтың ашылу салтанатына Жамбыл облысының әкімі Ербол Шырақбайұлы Қарашөкеев, «Samruk-Kazyna Trust» КҚ Қамқоршылық кеңесінің мүшесі, «Самұрық-Қазына» АҚ Адам ресурстарын басқару департаментінің жетекшісі Нариман Мелдебек, облыстық ардагерлер кеңесінің төрағасы Еркінбек Бейсенбекұлы Солтыбаев, Тараз қаласының әкімі Бақытжан Орынбеков, зиялы қауым өкілдері, облыс пен қала ардагерлері, зейнеткерлер және бұқаралық ақпарат құралдарының өкілдері қатысты. Үш қабатты, 200 орынға шақталған заманауи ғимарат аға буын өкілдерінің өмір сапасын арттыруға және оларды жан-жақты қолдауға бағытталған. Мұнда зейнеткерлер денсаулық мәселелері бойынша кеңес алып, психологиялық қолдауға ие болып, оқу курстарына қатысып, түрлі үйірмелерге жазыла алады. Орталықта фитокабинет, тренажер залы, бильярд бөлмесі, тұзды шахта, йога және би залдары, қолөнер мен музыка кабинеттері, бассейн, сауна, компьютерлік сыныптар және өзге де қажетті инфрақұрылым қарастырылған. Қонақтар вокал, би, спорттың түрлі түрлері, қолөнер және басқа да бағыттар бойынша еркін айналыса алады. Барлық қызметтер зейнеткерлер үшін тегін көрсетіледі. Салтанатты ашылу рәсімінде сөз сөйлеген облыстық ардагерлер кеңесінің төрағасы Еркінбек Бейсенбекұлы Солтыбаев ел Президенті Қасым-Жомарт Кемелұлы Тоқаевқа, Жамбыл облысының әкімі Ербол Шырақбайұлы Қарашөкеевке, «Самұрық-Қазына» АҚ Адам ресурстарын басқару департаментінің басшысы Нариман Мелдебекке және «Жамбыл-Даму» қорына зейнеткерлерге көрсетіліп жатқан қамқорлықтары үшін алғысын білдірді.
Тәуелсіздігіміздің 34 жылдығы құтты болсын!
Алға, Қазақстан!
