Қазақстанның түрлі өңірлерінен келген дүнген этносының өкілдері Таразға жиналды. Облыс орталығының Достық үйінде «Береке көзі – бірлікте» дүнген қауымдастығының кездесуі өтті. Дүнген этносының өкілдерінен басқа іс-шараға облыс басшылығы, Жамбыл облысы әкімдігінің ішкі саясат басқармасы, депутаттар, ҚХА мүшелері, өңіріміздің этномәдени бірлестіктерінің басшылары мен өкілдері, Жамбыл облысы әкімдігінің ІСБ «Қоғамдық келісім» КММ басшылығы белсенді қатысты.
Іс-шара қатысушыларына Жамбыл облысы әкімінің орынбасары Рүстем Дәулет құттықтау сөз сөйледі: — Бүгін Жамбыл облысындағы бұл кездесу -Қазақстан халқы Ассамблеясы үшін өте маңызды оқиға. Қазақстан аумағында 140 жылдан астам уақыт қызмет етіп келе жатқан дүнген этносы этникааралық өзара қарым-қатынастың бай мәдениеті мен жақсы дәстүріне ие. Бүгін алғаш рет республикалық ауқымдағы үкіметтік емес ұйым құру мақсатында бірлескен отырыс өткізіліп отыр. Дүнгендердің жалпы саны 60 мыңға жетіп, дүнгендердің жалпы санының 80% — ын құрайтын Жамбыл облысында Қазақстандағы сіздердің этностың ең жарқын және танымал көшбасшыларының біріккеніне қуаныштымыз. Облыстық «Вынхуа» дүнген этномәдени бірлестігі ағымдағы жылдың басынан бері 20 млн теңгеден астам қаржыға, ал өткен жылы 44 млн теңгеден астам қаржыға қайырымдылық жұмыстарын жасады. Бүгін сіздермен өткен бірлескен іс-шара осынысымен маңызды. Өйткені, ол Негізгі Заңға — біздің Конституцияға өзгерістер енгізу бойынша бүкілхалықтық референдум алдында өтіп отыр.
Өткізілген іс-шараның басты ерекшелелігі – облыстық дүнген этномәдени бірлестіктері мен республикалық «Дүнген этномәдени орталығы» қоғамдық бірлестігінің бірігуі болды. «Біз республикалық бірлестік құрып жатырмыз», — дейді ҚР Парламенті Мәжілісінің депутаты Ілияс Буларов. – Бүгін еліміздің 9 өңірінің өкілдері жиналғанына қуаныштымын. Біздің барлық мемлекеттік бағдарламаларымызды, Мемлекет басшысы Қасым-Жомарт Тоқаевтың саясатын қолдау арқылы дүнген-қазақ деп бөлінбей біртұтас отбасы боп, бұдан да жақсы өмір сүру үшін барлық мүмкіндіктерді пайдаланып, әрі қарай да жемісті жұмыс істейміз деп үміттенеміз.
Бұдан әрі Жамбыл облыстық «Вынхуа» дүнгендер этномәдени бірлестігі» ҚБ-нің төрайымы Айша Люшировна Идыбо дүнген этномәдени бірлестіктерін біріктіру туралы меморандумды жариялады. Қатысушылар оның мазмұнымен танысып, қабылдауға бірауыздан дауыс берді.
Сонымен бірге Жамбыл облыстық «Вынхуа» этномәдени бірлестігінің ҚХА Аналар кеңесінің жетекшісі Сара Даузова жиналған жұртты «Республикалық дүнген этномәдени орталығы» республикалық қоғамдық бірлестігінің жарғысымен таныстырып, белгіленген мақсаттар мен міндеттерге егжей-тегжейлі тоқталды.
Іс-шараның ең жауапты сәті «Дүнген республикалық этномәдени орталығы» республикалық қоғамдық бірлестігінің төрағасын сайлау кезеңі болды. Бастапқыда екі кандидатура ұсынылды, бірақ «Ақ желкен «жастар лигасы» ҚБ төрағасы Зайнуддин Махусеев өз бағдарламасын ұсынып, көптеген қатысушылардан салмақты қолдау алғаннан кейін, екінші кандидат Руслан Мұсаев өз кандидатурасын жай ғана дауыс беруден алып тастау туралы шешім қабылдады. Нәтижесінде Зайнуддин Махусеевке бірауыздан дауыс беріліп, бірлестіктің төрағасы боп сайланды. Сондай-ақ, сайлауға «Дүнген республикалық этномәдени орталығы» республикалық қоғамдық бірлестігінің Бақылау кеңесінің мүшелері, және дүнгендер республикалық қоғамдық бірлестігінің Басқарма мүшелері, Аналар кеңесі, Ақсақалдар кеңесі, Имамдар кеңесі, Жастар орталығы да түсіп, іштерінен лайықты кандидатуралар таңдалды, бұл дауыс беру тізім бойынша өтті.
Іс-шарада талқыланатын негізгі тақырыптардың бірі — алдағы референдум болды. Сөз сөйлеген спикерлер бүкілхалықтық референдумның және енгізілетін түзетулердің маңыздылығы туралы атап өтті. — «Дүнген республикалық этномәдени орталығы» республикалық қоғамдық бірлестігін құру референдум қарсаңында өтуде, — деп атап өтті өз сөзінде ҚР Парламенті Мәжілісінің депутаты Ілияс Буларов. — Үйге оралғаннан кейін біз барлығымыз алдағы референдумды таратуға, тұрғындарға түсіндіруге, ұсынылған өзгерістерге белсенді қатысамыз. Жаңа Қазақстанды құру бағытын жүргізіп отырған бейбітсүйгіш Үкіметпен бірге біз халықтың әл-ауқатын бірге жақсартамыз деп үміттенемін,- деп өз сөзін аяқтады Ілияс Бұларов.
Іс-шара барысында мерейтой иесі И.Лоуға құрмет көрсетілді, сондай-ақ белсенділерді алғыс хаттармен марапаттау рәсімі өтті. Сонымен қатар, Достық үйінің ғимараты бойынша экскурсия ұйымдастырылды. Іс-шара естелік фотосессиямен аяқталды.
Жамбыл облысы әкімдігінің ІСБ «Қоғамдық келісім»
КММ Баспасөз қызметі орталығы
