Видеодан кадр
Маңғыстау облысында халық арасына ішімдік ішіп келген Форт-Шевченко әкімі тағы да талқылауға түсті. Әдеп жөніндегі кеңестің жиынында шенеунікті жұмыстан шығару керек деген ұсыныс айтылды.
Форт-Шевченко қаласының әкімінің мәселесі Маңғыстау облыстық мемлекеттік қызмет істері департаментінің тәртіптік кеңесінде қаралды, деп хабарлайды Шаңырақ инфо Экспресс К.ке сілтеме жасап…
Мемлекеттік қызметкердің әрекетіне қатысты өткен отырыста кеңес мүшелері бірауыздан қала әкімін әдеп кодексінің талабына жат дөрекі әрекеті үшін жұмыстан босатуды ұсыну туралы шешім қабылдаған.
«Қолданыстағы әдеп кодексінің талаптары мемлекеттік қызметкерлерді жалпы қабылданған моральдық-әдептілік нормаларын сақтауға, қоғамға жат мінез-құлық, оның ішінде қоғамдық орындарда адамның қадір-қасиетін және қоғамдағы адамгершілікке нұқсан келтіретін масаң күйде болу жағдайларына жол бермеуге міндеттейді», — дейді әдем жөніндегі кеңес мүшелері.
Шалқыбай Әзірбаев 4 қаңтар күні қалада жиналған адамдарға қызметтік көлікті мас күйінде басқарып келген. Сол кезде оның тұрғындар әшкерелеп, полиция қызметкерлері әкімшілік хаттама рәсімдеген болатын. Алайда мемлекеттік қызметкер мұнысын мойындамай, сау күйімде көлік басқардым деп жалтарған.
«Жағымды спиртпен сүртіп едім», — деп ақталған Шалқыбай Әзірбаев өзінің мас екенін айтып, жазалануын талап еткендерге.
Форт-Шевченко қаласында жиналған бейбіт тұрғындар полиция шақырып, қала әкімін ұстап берген. Сол жерде хаттама толтырылып, шенеунік 15 күнге қамауға алынды. Ал көлік жүргізу құқығынан 7 жеті жылға шеттетілді.
Экспресс К бұған дейін Форт-Шевченко қаласының әкімінің мас күйінде көлік басқарғаны туралы жазды. Кейін әкімшілік жазаға тартылып, Шалқыбай Ізбасаровтың қамауға алынғаны туралы да мақала жариялады.
