Мойынқұм ауылы, Мойынқұм орта мектебінде Қазақстан Республикасының Тәуелсіздігінің 30 жылдығына орай Шу аудандық мәдениет бөлімінің ұйымдастыруымен «Тәуелсіздік тірегім, елім деп соққан жүрегім» атты әдеби әуенді кеші өтті.
Аталған кешке Ш.Уәлиханов атындағы облыстық әмбебап ғылыми кітапхана директоры Абдинова Эльмира Елеусізқызы, Ш.Уәлиханов атындағы облыстық әмбебап ғылыми кітапхана директорының орынбасары Жеңсікбаева Мақтақыз Зиятбекқызы, Шу ауданы әкімдігінің мәдениет және тілдерді дамыту бөлімінің басшысы Жазықбаева Әсел Сәрсенқұлқызы мен кітапханашылар және мектеп оқышылары қатысты. Іс-шара барысында Ж.Жабаевтың туғанына 175 жыл толуына орай «Жамбыл» кинофильмінен құралған көрініс көрсетіліп, «Тәуелсіздік – Тәңірден келген тәтті сый» атты кітап көрмесімен таныстырылды.
Кеш соңында Шу ауданы әкімдігінің мәдениет және тілдерді дамыту бөлімінің басшысы Ә.Жазықбаева сөз сөйлеп, белсене ат салысқан оқырмандарды марапаттады.
