Ғаламторда жас жігітке арақ ішуді қойдырып, намаз оқуға бұйырған емшінің әрекеті жарияланған бейнежазба көпшіліктің ашуын тудырды. Жазба әлеуметтік желідегі «Криминальный Қазақстан» тобында пайда болған.
Видеоның қашан және қайда түсірілгені белгісіз, деп хабарлайды Экспресс К.
Онда Нұрлыбек есімді жігітті Құран сүрелерімен емдеп жатқан сәт түсірілген. «Емші» ашулы дауыспен жігітке сұрақтар қойып, тіпті руына дейін сұрап алады. Жауап беріп жатқан жігіттің қолдары дірілдеп, қорқа тіл қатып жатқаны анық байқалады.
Арақ ішесің бе?! — Ішпеймін!. Намаз оқисың ба?! — Оқимын. Қашан?! — Келесі жылдан бастап. Немене? Қашан оқисың?! — Бұйыртса, келер жылдан бастап
Бұл жауапқа риза болмаған ақ киімді бақсы Нұрлыбекке ертеңнен қалдырмай намаз оқып, ораза тұтуды міндеттейді. Жігіт оның мұндай шарттарымен келіседі.
Бейнежазба астына пікір қалдырушылар бұл әрекетті спектакльге теңеген. «Құран сүрелерін ойыншыққа айналдырды», «Театр!», «Шайтандар» деген пікірлер де жазылған. Кейбірі тіпті бұл жағдайды «Қазақстандағы медицинаның қазіргі жағдайы» деп бағалапты.
https://exk.kz/kk/news/117678/bir-minutta-arakty-koidyryp-namaz-okytyp-zhibierdi-vidieo?utm_campaign=recommendation&utm_source=ainews
