instagram.com/bakytbekmeirambekuly
Әншілер бір-бірінен ерекшелену үшін түрлі амалдарға барады. Жас әнші Бақытбек Мейрамбекұлы күні кеше ғана қазақ тіліндегі ең ұзын сөзге ән жазып, оны көпшілікке ұсынды, деп хабарлайды Шаңырақ инфо Express Qazaqstan. сайтына сілтеме жасап…
Ән «Қанағаттандырылмағандықтарыңыздан» деп аталады. Бақытбек өзге әріптестерінен осындай 33 әріптен тұратын сөзбен ерекшеленуге тырысқан.
Ерекше болсын дедім. Әннің сөзін Мақсат Ахмед, ал әуенін Сәндібек деген досым жазды. Бұл әнде қымызды кім ішпейді, қызды кім айттырмайды деген соңғы өлең жолдарын қанағаттандырылмағандықтарыңыздан деп жасырдық,
Бақытбектің музыкалық білімі жоқ. Бірақ бала күннен өнерге жақын болып өскен. 2014 жылдан бастап той-томалақтарда ән айтып жүреді. Әншінің ешкімге ұқсамайтын қоңыр дауысы мен шырқалған ән халықтың жүрегінен жол табады. Кейін ол Қызылорда, Тараз, Шымкент, Алматы облысында жеке кешін ұйымдастырған.
Танымал болу қиын. Үнемі жаңа ән жазып отыру керек. Бойыңда қандай да бір талантың болса, оны әрі қарай дамытып, еңбектенуің керек. Бір пайыз талант, тоқсан тоғыз пайыз еңбек, деген сөз бекер айтылмаса керек. Еңбектеніп жатырмын,
