Бүгін адамдардың қоршаған ортаға немқұрайлылығының алдын алу, жұртшылықтың назарын қоқыс тастамау, айналаны ластамауға аудару мақсатында «Бірге — таза Қазақстан!» атты ұранымен жалпыреспубликалық экологиялық сенбілік өтті.
Тазалық шаралары таңертеңнен ауданның барлық өңірлерінде бір мезгілде басталды.
Қызыларық ауылдық округіне қарасты «Теріс-Ащыбұлақ» су қоймасының жағалауындағы демалыс орнында аудандағы бірқатар бөлімдер мен мекемелердің еңбек ұжымдары, Көкбастау, Қызыларық және Нұрлыкент ауылдық округтері әкімдіктерінің жауапты мамандары мен қоғамдық ақылы жұмысқа тартылған жұмысшылар, «Жасыл Ел» жасақшылары құрал-саймандарымен жиналды.
«Тазалық сақтаған жерде». Бүгінде осы халық мәтелінің байыбына терең бойлай бермейтін болдық. Табиғат-Анаға келтіретін орасан залалына қарамастан, қолымыздағы қоқысты, тамақтың немесе кез келген бұйымның қалдықтарын кез келген жерге тастап жүре береміз. Енді бұған жол беруге болмайды. Демалыс орнына келген азаматтар осыны мықтап ескеруі қажет. Мұнда келешекте ауылдық округтер әкімдері мен учаскелік полиция инспекторлары рейдтер ұйымдастырып, табиғатты ластағандар тиісті жауапкершілікке тартылатын болады. Баршаңызға тазалық науқанына белсенді қатысқандарыңыз үшін алғыс айтамын!
Murtaza Zhalgas,
Жуалы ауданының әкімі
