1 мамыр – Қазақстан халқының бірлігі күні «Көне Тараз» тарихи-мәдени кешенінде бар салтанатымен аталып өтті. «Бір шаңырақ астында» атты мерекелік шарада этномәдени бірлестіктердің өкілдері театрландырылған көріністер мен концерттік бағдарламалар арқылы өз өнерлерін ортаға салды. Қонақтарға арналып «Достық дастарханы» жайылып, 20-дан астам ұлттық тағамдар ұсынылды. Сондай-ақ, қазақ күресі, өзбек күресі, белбеу күресі, самбо, у-шу, таэквондо, мас-рестлинг, армрестлингтен секілді спорт түрлерінен жарыстар ұйымдастырылды.
Мерекелік шарада облыс әкімі Нұржан Нұржігітов көпшілікті Қазақстан халқының бірлігі күнімен құттықтап, ізгі тілегін жеткізді.
— Жақында Мемлекет басшысы Қазақстан халқы Ассамблеясының қатысуымен «Әділетті Қазақстан: бірлік, тұрақтылық, даму» атты XXXII сессиясы өтті.
Президент өз сөзінде Қазақстан халқы Ассамблеясы қызметінің басымдығын айқындап, қоғамда өзара түсіністік пен сенімді нығайту қажет екеніне арнайы тоқталды. Бұл міндеттер мен мақсаттарды өздеріңізбен бірге жүзеге асыратынымызға сенімім мол.
Қоғамдық келісім мен саяси тұрақтылық – біздің ең маңызды байлығымыз! Бұл жетістікті бағалау, оны сақтау жолында аянбай еңбек ету — әрбір Қазақстан азаматының міндеті деп білемін.
Ынтымағы жарасқан Жамбыл жерін мекен еткен этнос өкілдері де ортақ Отанымыздың тыныштығы мен тұрақтылығына атсалысуда. Олар экономиканың қай саласында болмасын елеулі еңбектің үлгісін көрсетуде,-деді аймақ басшысы.
Жалпы, облыста 75 этномәдени бірлестіктер бар. Мемлекет басшысының тапсырмасымен 2020 жылы өңірімізде бастау алған «Бейбітшілік пен келісім» жобасы өз нәтижесін беруде.
Осы жоба шеңберінде өткен жылы жұмысшы топ мүшелері 200-ден астам елді мекендегі тұрғындармен 600-ден астам кездесу, 150 қоғамдық қабылдау өткізді. Ондағы көтерілген мәселелердің барлығы бақылауға алынып, кезең-кезеңімен шешімін табуда.
Сондай-ақ, этнос өкілдері қайырымдылық шараларына да белсенді қатысуда. Мәселен, ағымдағы жылдың бірінші тоқсанында этномәдени бірлестіктердің демеушілері мен меценаттарының қолдауымен 150 млн. 350 мың. теңге көлемінде қайырымдылық көмек көрсетілді.
Бұдан соң өңірдегі татулық пен келісімді нығайтуға үлес қосып жүрген этномәдени бірлестіктердің бірқатар өкілдері «Облысқа сіңірген еңбегі үшін» белгілерімен, Жамбыл облысы әкімінің Құрмет грамоталарымен және Алғыс хаттарымен марапатталды.
Бұл жылғы мерекелік бағдарлама қызықты әрі ауқымды болды. Этномәдени бірлестіктерге арналып 10 шатыр құрылды. Әр шатырға түрлі этностар орнығып,мереке қонақтарын ерекше қарсы алды. Әрбір халықтық музыкалық аспаптарында орындалатын өзбек, татар, түрік әуендері шырқалды.
Шатырларда «Әулие Ата» қазақ мәдени орталығы, Жамбыл облыстық Немістер қауымдастығы, «Қазақстан Республикасы күрдтерінің «Барбанг» қауымдастығы» өңірлік қоғамдық бірлестігі, «М.Қашқари атындағы Ұйғырлар этномәдени бірлестігі» қоғамдық бірлестігі өз экспозицияларын ұсынды.
Жамбыл облыстық «Вайнах» Шешен-ингұш мәдени орталығы, Тараз қаласы Өзбек мәдени орталығы, Жамбыл облыстық «Архыз» Қарашай-балқар қоғамдық бірлестігі, облыстық «Днепро» Украин мәдени орталығы және «Айнұры» Татар-башқұрт мәдени орталығы, «Полонез» Жамбыл облыстық Тіл және мәдениет орталығы, «Шиват Цион» Жамбыл облыстық Еврей мәдени орталығы, Қытай мәдени орталығы, Жамбыл облыстық Тәжіктер этномәдени бірлестігі, облыстық «Коре» Корейлер қауымдастығы, «Ахыска» Түрік этномәдени орталығы» қоғамдық бірлестігі, Жамбыл облысының «Вынхуа» Дүнген мәдени орталықтарының этномәдени бірлестігі, Жамбыл облыстық «Хазар» Әзірбайжан этномәдени орталығы, «Радонеж» Орыс қауымдастығы, «Манас ата» қырғыз этномәдени бірлестігі орналасты. Шара меймандары тұрмыстық заттарын, этно-киімдердін көріп, этно-асханалық тағамдарының дәмін татты.
Мерекеге орайластырылған көрмелерде кесте, тоқылған бұйымдар, кәдесый өнімдері, зергерлік, киізден жасалған бұйымдар көпшілік назарына ұсынылды. Сондай-ақ жастар арасында спорттық ойыннан «Қазақша күрес» ұйымдастырылды.
Шарада «Әулие-ата» қазақ мәдени орталығының Аналар кеңесінің өкілі Көненова Пайза Сайлаубекқызы және «Радонеж» Орыс қауымдастығының өкілі Соколовская Ирина Самуиловна «Облысқа сіңірген еңбегі үшін» белгісімен марапатталды. Жамбыл облысы әкімдігінің «Құрмет грамоталарымен» Жамбыл облысы Немістер қоғамының өкілі Соколовская Ирина Самуиловна мен Жамбыл облысы тәжік этномәдени бірлестігінің өкілдері Примкул Нарзикуловқа,сондай-ақ, Байзақ ауданы Бурыл ауылдық округінің «Ахыска» Түрік этномәдени орталығының төрағасы Халиловқа Вагиф Вайтович құрметтелді. Бұдан бөлек «Манас Ата» Қырғыз этномәдени бірлестігінің төрағасы Абзалбек Ахметұлы Меңдібаев, Жамбыл облысы «Вайнах» Шешен-ингұш мәдени орталығы төрағасының орынбасары Нұрислам Әбубәкірұлы Кенжебеков, Ұйғыр этномәдени бірлестігінің Аналар кеңесінің төрайымы Алғыс хатқа ие болды.
«Архыз» республикалық қоғамдық бірлестігінің Бірлік – қарашай-балқарлардың Жамбыл филиалы» қоғамдық бірлестігінің мүшесі Битуева Зарина Камалқызы, «Айнуры» татар-башқұрт этномәдени бірлестігі» қоғамдық бірлестігінің мүшесі Ниязова Расима Габдухаковна, «Вынхуа» дүнген этномәдени бірлестігінің мүшесі Саров Харсан Исхарович, «Днепро» украин мәдени орталығы» қоғамдық бірлестігінің мүшесі Тращенко
Анатолий Александрович, «Жамбыл облысы «Коре» кәрістер ассоциациясы» қоғамдық бірлестігінің мүшесі Хе Сталина Георгиевна, Тараз қалалық өзбек этномәдени бірлестігінің мүшесі Худайбергенова Сабохат Дадаевна,
«Днепро» украин мәдени орталығы» қоғамдық бірлестігінің мүшесі Трашенко Анатолий Александрович,Тараз қалалық өзбек этномәдени бірлестігінің мүшесі Құдайбергенова Сабохат Дадаевна, «Хазар» әзербайжан этномәдени бірлестігі» қоғамдық бірлестігінің мүшесі Мамедова Эсьмира Гашанговна, «Қытай мәдени орталығы» этномәдени бірлестігінің» қоғамдық бірлестігінің мүшесі Воробьева Майя Владимировна Алғыс хатпен марапатталды.
Іс-шара вокалдық және хореографиялық нөмірлері бар концерттік бағдарламамен жалғасты. Әртістер арасында этномәдени бірлестіктердің, К.Әзірбаев атындағы Жамбыл облыстық филармониясының шығармашылық ұжымдары бар.
Мерекелік шараға қатысқандар көрермендердің зор ықыласына ие болды.
Айдар Айнабала
