Барша мұсылмандардың ұлық мейрамы – Құрбан айт мейрамына орай ауданымызда бірқатар спорт түрлерінен жарыстар ұйымдастырылды. Жасөспірімдер арасындағы еркін күрес жарысына алыс-жақын аудандардың спортшылары қатысып, өз бақтарын сынады.
Сондай-ақ, Белбасар ауылының тұрғындарының ұйымдастыруымен де көптеген спорттық іс-шаралар өтті. Ауылдағы “Белбасар” спорт кешенінде өткен жарысқа тек ауыл тұрғындары қатысып, жүлдегер атанған командаларға лайықты марапаттары табыс етілді.
Одан бөлек, Құрбан айтқа байланысты ақ дастархан жайылып, құран бағышталды.
Аталған шараға аудан әкімі Бақытжан Жәнібеков арнайы қатысып, дәл осындай шаралар өңірдегі бұқаралық спортты дамытуға, тұрғындардың спортқа деген қызығушылығын арттыруға үлкен сеп болатынын, сондай-ақ мерекеде көргендей, ауыл тұрғындарының ауызбіршілігі, береке-бірлігі өзге де ауылдарға үлгі болуы тиіс екендігін жеткізді.
