Тараз қаласында ерлер мен әйелдер арасында паратаеквондодан Қазақстан Республикасының чемпионаты өз мәресіне жетті. Жарысқа еліміздің 10 өңірінен 37 спортшы қатысты.
Ерлер арасында +80 келі салмақ дәрежесі бойынша сайысқа түскен Таластық жерлесіміз Өмірәлі Нышан Қазақстан Республикасының Чемпионы атанды.
Еске сала кетейік, ағымдағы жылдың 04-07 маусымы аралығында Болгария астанасында өткен «София — 2022» Гран-при туринирінде жерлесіміз қола жүлдегер атанған болатын.
Қазақстан чемпионаты бірінші рет «DAEDO» электронды төрешілік жүйесімен өтті. Электронды нақты жарыс нәтижесін анықтау мақсатында қолданылады. Жүйе соққының күші мен дәлдігін көрсетеді. Жүйе әлемдік тәжірибеде кеңінен қолданылады. Ең алғаш рет 2008 жылы Кореяда қолданысқа енгізілді.
