Ташкентте бокстан ерлер арасында өтіп жатқан әлем чемпионатында Махмұд Сабырхан алғашқы жеңісіне қол жеткізді деп хабарлады turkystan.kz.
«Қазақтың Ломаченкосы» атанып кеткен, Белградта өткен әлем чемпионатының күміс жүлдегері М.Сабырхан 54 келіге дейінгі салмақта мажарстандық Иштван Сакомен шеберлік байқасты.
Бірінші раундта төрешілердің төртеуі қазақстандық боксшы басым деп тапты. Екінші кезеңде Махмұд қарқынды үдетті – 5:0. Жекпе-жек қорытындысында да төрешілер бірауыздан жеңісті Махмұд Сабырханға берді. Нәтижесінде ол келесі кезеңге өтті.
