Петропавлда мина қойылды деген қоңыраудан кейін облыстық аурухананың науқастарын шұғыл түрде эвакуациялауға тура келді, деп хабарлайды Stan.kz ақпарат агенттігі.
Көпсалалы облыстық аурухананың мәліметінше, 15 сәуір түс кезінде аурухана зертханасына белгісіз біреу телефон шалып, бомба бар екені туралы мәлімдеген.
«Аурухана әкімшілігі арнайы қызметтермен бірлесіп ғимараттан 250-ден астам науқас пен қызметкерді шығарды. Науқастардың жағдайына қарай оларды емхананың акт залы мен хирургиялық корпус ғимаратына уақытша орналастырды. Ауыр пациенттер хирургия бөлімшесі мен созылмалы гемодиализ және нефрология бөлімшесіне жатқызылды», — деді ауруханадағылар.
Барлық пациентке толық көлемде медициналық көмек көрсетілген. Сонымен қатар аурухана эвакуацияланғандарды жүрек жалғау үшін азық-түлікпен және ауыз сумен қамтамасыз етті.
Тексеріс нәтижесінде ауруханадан күдікті хаттар анықталмады. Пациенттер палатасына, ал қызметкерлер жұмыс орнына оралды. Ешкім зардап шеккен жоқ.
https://stan.kz/bomba-koyilgan-petropavl-auruhanalarinin-birinde-naukas-363133/
