Көктемнің жаршысындай болған дала гүлінің бас қылтитуын Қазгидромет мамандары соңғы күндері жиі жаңбыр жауып, күндізгі ауа температурасының 14-15 градусқа дейін жылы болып тұруымен байланыстырған.
Жалпы, өңірде биыл қыс жылдағыдан да жылы. Қар жауғанымен, бірден еріп кетіп жатыр. Ал синоптиктер алдағы демалыс күндері облыстың таулы аймақтарында жауын-шашын болып, жаңбырдың арты қарға ұласуы мүмкін екенін ескертті. Қаңтардың 18-19-ында түнде аяз болатыны да болжанған.
