Дәрігер: «Баланы қойдың құмалағымен шомылдыру — қауіпті ырым»

Қазақта баланы қырқынан шығарарда қырық қасық суға күміс салып, ал кей өңірлерде бай болсын деген ырыммен қойдың кепкен құмалағына шомылдырып жатады. Мұндай ырымды қазір де жиі қолданып жүргендер көп. Экспресс К осы ырымға қатысты терапевт-дәрігердің пікірін білді.

Баланы қырқынан шығарарда қазақ халқы түрлі ырымдарды қолданып жатады. Бірі 40 қасық суға күміс салса, енді бірі «бала өскенде бай болсын» — деп қойдың құмалағына шомылдырады. Кепкен тезекке шомылдырып жүргендер қазір де жетерлік. Instagram-да пайда болған видеодан осыны анық аңғаруға болады.

Алайда дәрігерлер мұндай ырымды мүлде қолданбауға кеңес береді. Терапевт-дәрігер Дмитрий Киреевтің айтуынша, баланы құмалақпен шомылдыру оның өмірін қатерге тігумен пара-пар.

«Бұл ортағасырлық адамдардың тірлігі. Жаңа туған баланы қойдың құмалағымен жуындыру оның денсаулығына зиян. Өйткені нәжісте токсинді зиянды заттар көп. Ол баланың терісі арқылы организмге сіңіп, денсаулыққа қауіп келтіреді. Көбісі бала ауырғанда спиртпен сүртіп жатады. Ол да дұрыс емес. Соның кесірінен көп бала жансақтау бөліміне түседі. Мүгедек болып қалғаны қаншама?! Мынау да тура сол. Бұл ғылыми тұрғыда дәлелденген нәрсе. Сондықтан, мұндай ырым-тыйымды қолданбаған дұрыс», — дейді Дмитрий Киреев.

Толығырақ: https://alashainasy.kz/otbasy/darger-balanyi-koydyin-kumalagyimen-shomyildyiru—kaupt-yiryim-video-183426/
материалды қалай болсын қолдану тек қана Alashainasy.kz сілтемесімен бірге рұқсат етіледі