Танымал әнші Роза Әлқожа туған сіңлісі Бибі-Айшаға той кезінде сыйлық ретінде отбасынан атынан жаңа автокөлік табыстады.

Бейнежазбада Роза Әлқожаның туғанына темір тұлпардың кілтін табыстап жатқанын көруге болады. Әншінің сіңлісі мұндай сыйлықты күтпей, қатты таңғалып қалған.

«Айшамызды дұрыс ұзата алмадық. Дамир күйеубаламыз алып қашып кетті. Айдын екеуміз жас отбасы болдық, ол кезде ата-ана болмақ түгілі, отбасы болуды үйреніп жүрген кезіміз. Бибі-Айша бізбен бірге бар қызықты бөлісіп, бізден тәрбие алды. Енді, міне, көпбалалы жанұя болып отыр. Төрт баласын өзі тасып жүрсін деп отбасымыздың атынан Айшаға автокөлік сыйға тарттық. Тойларың тойға ұлассын! Әр жанұя өсіп-өніп, ұл-қызының қуанышын тойлай берсін! Барлық сіңлі, бар бауыр махаббатқа лайықты», – деді Роза Әлқожа.