Жалпы ауданда халыққа бүгінде 32 денсаулық сақтау нысаны қызмет көрсетеді. Әлемді алқымнан алып тұрған коронавирус індетін емдеу және оқшаулау шараларын ұйымдастыру мақсатында өңірде жалпы — 180 төсек қоры жасақталған. Бұдан басқа эпидемиологиялық жағдайға байланысты Covid-19–бен ауыратын науқастарды емдеу үшін қосымша резерв ретінде 20 инфекциялық, оның ішінде 2 реанимациялық төсек қоры ашылып, жұмылдырылмақ. Сондай-ақ, тұрғындардың қауіпсіздігін қамтамасыз ету мақсатында аудандағы жалпы 422 кәсіпкерлік, 176 әлеуметтік нысан және халық көп шоғырланатын 6 нысанның 248-і «Ашық» бағдарламасына қосылған. Олардың қатарында 3 мемлекеттік мекеме, 93 білім беру нысаны, 20 ауылдық клуб, 26 АҚ аудандық филиалдары, 1 вокзал, 1 халыққа қызмет көрсету орталығы, 24 кітапхана, 6 спорт мектебі, 73 кәсіпкерлік нысан және1 аудандық мәдениет үйі бар.
