Түркістан облысының мәслихат депутаты Алмас Салимов тұрақты комисия отырысында шенеуніктерге халықпен тығыз жұмыс істеу керектігін, олар көзбояушылықтан шаршағанын мәлімдеді. Егер жауапты азаматтар халықтың мұң-мұқтажын елемесе Қаңтар қасіреті секілді оқиға қайта қайталануы мүмкін екенін айтты деп хабарлайды Oinet.kz тілшісі. «Біздің әріптестеріміз (депутаттар — автор) халықтың алдында абыройсыз десек болады. Сіз айтып отырсыз, (шенеунікке — автор) баяндамаңыз керемет. Орындалған жұмыстар 90 пайыздан кем емес. Бірақ бізге мәселеге шынайы қарайтын кез келді ғой. Халық қазір қағаздағы есепті тыңдаудан қалған. Айналып келгенде біздің мақсатымыз бір — халықтың жағдайын жасау. Біз баяндаманы талқылап жатқанда ана жақта халық жағдайын айтып көшеде жүр. Қатты қиналған халық ертең өткендегідей көшеге шығып кетпесіне (Қаңтар оқиғасы кезіндегідей — автор) кім кепіл? Сондықтан да нақты мәселе шешу жолдарын қарастыру керек», — деген депутат шенеуніктерді нақты жұмыс істеуге шақырды.
Ойнет жаңалықтар сайты: https://oinet.kz/e/action/ShowInfo.php?classid=2&id=38459&fbclid=IwAR0AE6BfSCyy3QbekQ9O3l8yHLGEaI03uhMtZTF4HnyV_nYzlzLSiyqja0k
© Oinet.kz
