Ғаламтор көп таралған тонаушылардың бір видеосы техникалық дүкеннен түсірілген. Бейнежазбада бетперде таққан бірнеше адам дүкен ішін қиратып қана қоймай, есіктен қолдарына сыйғанынша затты алып кетуге тырысуда. Араларында тіпті келіншек те бар. Видео авторы «Девушка, саған не жоқ?» деп күйіп кеткен.
Әлеуметтік желі қолданушыларының талқысына түскен келесі бейнежазба Назарбаев даңғылындағы әтір сататын дүкеннің тоналуы кезінле түсірілген. Тәртіпсіздікке шыққандар арасында қолдарына бірнеше сөмке ілген азаматтар көшенің келесі бетіне жүгіріп өтуде. Қаладағы Француз үйі деген атпен танымал дүкеннің қымбат иіссуларын азаматтар осылайша қолды қылды.
Ал мына бейнежазбада екі жасөспірімнің зат толы арбаны сүйреп бара жатқанын көруге болады. Видео авторы кішкентай балалардың қазірден осындай әрекетке барғанына қапалы. «Бұлардың болашағы не болады?» дейді ол.
Бүліктен кейін қираған ғимараттардың ішін қайта тінтіп кеткен күдіктілер де бар. Абай даңғылының бойындағы терезесі сынған банктің ішіне кірген жас баланың әрекеті де тұрғындардың назарынан тыс қалмады. Тура банк жанындағы дүкен иесі өзінің баласын ішіне жіберген.
Жалпы, Алматы қаласындағы бүліктің соңы тек ғимараттарды өртеп, көшені талқандаумен ғана емес, тәртіпсіздікке шыққан халықтың ұрлығымен де есте қалды
