МАХАББАТ — барлық пенделік қажеттіліктерден өте биік тұратын аса мөлдір сезім.
⠀
Димаш атамыз мен Зухра жеңгеміз туралы бұрын да біраз мәліметтерге қанықпыз.
⠀
Екі ПАРАСАТТЫ жанның арасындағы махаббат туралы Мұхтар Шаханов ағамыздың өз аузынан естігенде ерекше әсерлендім.
⠀
Мұхтар аға Димекеңмен жақсы дос, бауыр болып, жақсы араласқан. Бірде Зухра апамыз ауырып қалғанда, жағдайын сұрап келген Мұхтар ағаға Димаш ата өз қолымен ас дайындайды. Не деген қарапайымдылық! Ел, жер мәселесінде екі тұлғаның көзқарастары әрдайым ортақ болған екен.
⠀
Бірде Димаш атаға ақсақалдар жиналып: «Өзіңдей нар тұлғадан ұрпақ алып қалуымыз керек. Әрі бұл мұсылмандыққа да жат емес»,- деп, 20 жасар қызды алып бермекші болады. Зухра жеңгеміз де бұл шешімді қолдайды. Бірақ Димаш ата бұған келіспейді. Кейін Мұхтар ағаға осы оқиғаны айтып отырып: «Зухрамның маған деген шексіз махаббатына көлеңке түсіргеннен гөрі, тағдырдың пешенеме жазғанына мойынсұнуды әлдеқайда жеңіл санадым»,-деген екен.
⠀
Парасат биігіндегі екі іңкәр жүректің шексіз махаббатына тәнті болған Мұхтар аға «ҚОНАЕВТЫҢ ДАРА МАХАББАТЫ» өлеңін жазады. Зухра жеңгеміз өмірден өтерде Димаш атаға: «Менің мәңгілік ұйқым тыныш болсын десең, бақилық ғұмырыңда да қасымда болшы», — деп өтініш білдірген екен.
⠀
Мұхтар Шахановтың айтуынша, мұндай махаббат мыңнан біреу ғана кездеседі.
⠀
Сана биігінде жолыққан жандар ғана шынайы достыққа, нағыз махаббатқа ие.
⠀
Ал Димаш атамыздың еліміз үшін атқарған еңбегі тіпті өлшеусіз.
⠀
Дара тұлғаны құрметтемейтін қазақ жоқ шығар, иә?
Рухың пейіштің төрінде шалқысын, парасатты жан! Қазақ елі дәл қазір өзіңдей тұлғаға зәру.
#қонаев_110жыл
#даратұлға
