Жамбыл облысы әкімдігінің ақпарат және қоғамдық даму басқармасы өткен 2024 жыл бойынша үкіметтік емес ұйымдардың қызметі туралы мәліметтерді «ҮЕҰ Дерекқорына» ұсынудың кезекті мерзімі 2025 жылғы 1 қаңтардан басталатынын ескертеді.
ҮЕҰ есептілігін қабылдау биылғы 1 қаңтардан бастап ШЖҚ-дағы РМК «Цифрлық үкіметті қолдау орталығының» сүйемелдеуімен жаңа «Еsep.govtec.kz» цифрлық платформасында басталып, жалғасуда.
Қазақстан Республикасы «Коммерциялық емес ұйымдар туралы» Заңының 41-бабы 5-тармағына сәйкес мәліметтер жыл сайын 31 наурызға дейін ұсынылады.
Алайда, жаңа жүйеге («Еsep.govtec.kz») ауысу барысында ақпараттық сервистерді интеграциялау және тұрақтандыру кезінде бірнеше техникалық ақаулықтар орын алуына байланысты а.ж. 13 қаңтарынан бастап 18 ақпанына дейін Дерекқорда есептерді қабылдау мүмкін болмады.
Осыған орай Министрлік жүйедегі техникалық ақаулар акті негізінде есептілік мерзімін а.ж. 21 сәуіріне дейін ұзарту туралы шешім қабылдады.
ҮЕҰ-ның 21 сәуірге дейін тапсырылған есептерінің барлығы «Уақтылы» қабылданған болып есептеледі.
Мәселелер мен сұрақтар туындаған жағдайда дереу ҚР МАМ АҚІК қызметкеріне хабарласуыңызды сұраймыз – тел. 74-04-28 sh.olzhabaeva@mki.gov.kz, Олжабаева Шырын Аманбекқызы.
